Peleshi: Një prej investimeve më madhore të NATO- s në Shqipëri

Ministri i Mbrojtjes, Niko Peleshi, vuri theksin te rreziku rus, pasi sipas tij, çdo gjë mund të pritet nga fronti i lindjes. “Prandaj - u shpreh ai - e vetmja formulë fituese në tavoline është bashkimi i forcave dhe kapaciteteve mbrojtëse”. “Mbi këtë pistë, MIG- u i fundit ka fluturuar pothuaj 19 vite më parë. Erdhi koha që në Kuçovë të ndihet jehona e avionëve të NATOs, mbrojtësve të qiejve tanë në dekadën më të rrezikshme të historisë moderne të rajonit dhe të mbarë Europës. Pozicioni gjeografik i favorshëm mund ta kthejë këtë vend në një nyjë lidhëse të vlefshme për të gjitha vendet e rajonit tonë. Në këtë kontekst, ndihma dhe mbështetja që Shqipëria mund të japë për vendet fqinje na bën të ndihemi më të vlefshëm se kurrë, por edhe më të përkushtuar se kurrë për të qenë në lartësinë e duhur përballë çdo situate”, - theksoi ai. Peleshi vuri në dukje se baza e Kuçovës është një prej investimeve më madhore të NATO- s në Shqipëri. “Rihapja e bazës ajrore të Kuçovës përbën një prej investimeve më madhore të NATO- s në Shqipëri dhe do të shërbejë si bazë ajrore taktike dhe operacionale”, - tha Peleshi. Ai theksoi se baza ka kapacitetin e nevojshëm edhe për të mbështetur përpjekjet e përbashkëta në rajon për fatkeqësitë natyrore. “Pozicioni gjeografik i favorshëm mund ta kthejë këtë vend në një nyje lidhëse të vlefshme për të gjitha vendet e rajonit tonë. Në këtë kontekst ndihma dhe mbështetja që Shqipëria mund të japë për vendet fqinje na bën të ndihemi më të vlefshëm se kurrë më parë, por edhe më të përkushtuar se kurrë më parë për të qenë në lartësinë e duhur përballë çdo situate”, - tha Peleshi.