Mediat greke për Irena Gjokën: Nga falsifikimi, te lidhja me Greqinë
Në burg prej 12 majit 2023, kryebashkiaku letër të hapur Ambasadës së SHBA dhe BE: Nuk më lejoj në të betohem! Dosja është e sajuar
Çështja ‘ Beleri’ prej kohësh i ka kaluar kufijtë e vendit. Ndërkohë që pritet të jepet vendimi për të në GJKKO, po ashtu vetë Beleri kërkon leje të betohet para zgjedhësve të vet dhe asnjë gjykatë nuk e ka pranuar deri më tani.
Ai vetë ka vendosur t’u shkruajë dy përfaqësive diplomatike më në zë në vendin tonë. Pjesë nga letra janë bërë publike ditën e djeshme, por po dje, një media greke ka bërë një shkrim të gjatë që lidhet me gjyqtaren që ka në dorë çështjen gjyqësore të kryebashkiakut të zgjedhur të Himarës. Në fakt, mediat greke e kanë ndjekur prej kohësh Belerin në seancat gjyqësore si në Vlorë, ashtu edhe në Gjykatën e Posaçme, por shkrimi i djeshëm në fakt shkon përtej. Ai hedh dritë mbi një dënim të gjyqtares, që është dhënë në Greqi për falsifikim dokumentesh.
Kështu gjyqi i kryebashkiakut të zgjedhur të Himarës, i cili qëndron në paraburgim që në prag të zgjedhjeve të majit 2023 në Shqipëri, Fredi Beleri, është kthyer në një lojë diplomatike mes Athinës dhe Tiranës shkruan media greke In. gr. Ky është një rast që Athina e ka lidhur me rrugën europiane të Shqipërisë dhe ka qenë cak i kritikave nga vendet e tjera anëtare të BE- së. Krahas lojës diplomatike në vazhdim, interesant është edhe përbërja e gjykatës, e sidomos historia e tre gjyqtarëve që gjykuan Belerin shkruan media greke
GJYQTARJA
Irena Shpata, e bija e Hekuranit dhe Dallëndyshes, e datëlindjes 15- 21970, që nga viti 2011 përdor mbiemrin e bashkëshortit të saj aktual ( të dytë) Gjoka dhe që sipas të dhënave ka “llogari të hapura” me Greqinë shkruan ‘ In. gr’.
ARRESTIMI
Sipas dëshmive, në të kaluarën Irena Shpata ishte arrestuar në Greqi për përdorimin e dokumenteve false me të cilat tentonte të tregonte se ishte me origjinë greke. Për këtë arsye, asaj iu ndalua hyrja në vendet e Shengenit për 12 vjet dhe të dhënat e saj së bashku me gjurmët e gishtërinjve u regjistruan në bazën përkatëse të të dhënave.
FALSIFIKIMI
Më konkretisht, Irena Shpata së bashku me bashkëshortin e saj të parë që mbante mbiemrin Maneku tentuan të hynin në Greqi më 24 dhjetor 2002 duke përdorur një vizë konsullore të falsifikuar për sa i përket periudhës së vlefshmërisë. Deri atëherë, shqiptarët merrnin viza konsullore deri në 90 ditë. Nëse dikush kishte një vizë konsullore 100- ditore, ai mund të merrte një kartë identiteti speciale të emigrantit në Greqi. Ajo kishte falsifikuar kohëzgjatjen e vlefshmërisë së vizës konsullore për të dalë se ishte 100 ditë, duke u përpjekur të tregonte se ishte nga Vorio- Epiri.
LETRA E BELERIT
Kryetari i zgjedhur i Bashkisë së Himarës, Fredi Beleri, i është drejtuar me një letër të hapur ambasadorit të Bashkimit Evropian në Tiranë dhe të ngarkuarit me punë të ambasadës amerikane, ku thekson midis të tjerash prej 12 majit të vitit të shkuar ndodhet në paraburgim dhe prej atëherë nuk i lejohet të bëjë betimin.
Sipas tij, SPAK i ka vënë në dispozicion provat “që provojnë atë që unë kam deklaruar që ditën e arrestimit tim, që isha viktimë e veprimeve arbitrare të paligjshme të policisë, të ndikuara nga shprehjet e hapura ofenduese dhe fyese të Kryeministrit ndaj meje”, raporton Neës24. Në letër, Beleri thekson se policia e vuri nën përgjim atë dhe stafin e tij për 5 ditë me radhë dhe duke qenë se nuk zbuluan veprime të kundërligjshme, sajuan dëshmitarë të rremë që deklaroi se “i kisha propozuar të blinte vota në emër tim”.
“Jam në burg, sepse policia dhe prokuroria Vlorë, falsifikuan dokumente që të vendosnin dëshmitarin e rremë në dy vende në të njëjtën kohë, të paktën tre herë, që të justifikonin arrestimin tim”, - thekson ai.