Legalizime, 126 emrat me pronarët e rinj në 3 qytete

Në Tiranë, Vlorë dhe Krujë, procedura për t'u ndjekur në Kadastër

Agjencia Shtetërore e Kadastrës ka bërë publike një tjetër listë përfituesish të lejes së legalizimit të pronave në tri qytete: Tiranë, Vlorë dhe Krujë.

Bëhet fjalë për prona që këta qytetarë i kanë gëzuar deri më sot "de facto", por jo ligjërisht. Me pajisjen me leje legalizimi hapet rruga drejt hipotekimit të pronës dhe regjistrimit të saj në Kadastër, por vetëm pasi qytetarët të paguajnë faturat për truallin dhe ndërtesën e bërë informalisht. Ndaj, të gjithë ata që e gjejnë emrin në listën e mëposhtme, ftohen të tërheqin lejen për t'u pajisur me certifikatë pronësie. E gjitha kjo procedurë zgjat një muaj. "Drejtoria Vendore e ASHK bën afishimin publik për qytetarët, në zbatim të ligjit nr. 20/ 2020 ' Përcaktimin e Proceseve Kalimtare të Pronësisë Në Republikën e Shqipërisë' dhe VKM nr. 1040 date 25.11.2020 ' Për përcaktimin e rregullave në zbatim të kritereve të legalizimit dhe miratimin e modelit të aktit të legalizimit për ndërtimet pa leje', Drejtoria Vendore ASHK- së ka bërë të mundur përfundimin e procedurave të legalizimit për subjektet e mëposhtëm. Publikimi i kërkesave për afishim të subjekteve që po trajtohen nga ASHK bëhet për një periudhë 30- ditore. Bashkëlidhur po ju vendosim në dispozicion listën e subjekteve përfituese", citohet në njoftimin e ASHK. Për ata që paguajnë faturën në një kohë më të shpejtë, si dhe kanë kryer pagesën e rregullt të energjisë elektrike parashikohen lehtësira ose zbritje në faturë. Në total, janë 126 qytetarë përfitues në disa qytete, si: Tiranë, Vlorë dhe Krujë.