Pioli: Momenti i së vërtetës, Milani luan për fitore

Stefano Pioli e di fort mirë se me një rezultat pozitiv sot mund të shohë me optimizëm të ardhmen europiane të Milanit. Sot në 21: 00 kuqezinjtë presin në "San Siro" Slavia Pragën dhe në konferencë për shtyp trajneri ka analizuar rivalët dhe sfidën.

Çfarë ndeshje prisni?

Ata janë një ekip i mirë, nuk duhet të nënvlerësojmë askënd. Për fat edhe ne jemi mirë dhe do të jetë një ndeshje e rëndësishme për ne dhe për tifozët tanë. Na pret një ndeshje e ngjashme me atë kundër Ren. Slavia ndoshta ka karakteristika të ndryshme me sa kam parë në ndeshjet e fundit të luajtura, ndaj do të duhet të shmangim shpërqendrimet

Cili është qëllimi juaj në rrugën e Ligës së Europës?

Duam të bëjmë diçka të rëndësishme dhe në kokën tonë është dëshira dhe ideja për të fituar këtë trofe, të cilin Milani nuk e ka fituar kurrë. Sidoqoftë, shumë sfida të vështira na presin.

Si e keni parë skuadrën në këto ditë?

Jemi mirë, në ndeshjen e fundit nuk luajtëm shumë mirë dhe sigurisht mund të kishim bërë më mirë, por ishim kompakt dhe skuadra e di se ky është një moment vendimtar në rrugëtimin tonë. Ne duam të fitojmë Ligën e Europës dhe besojmë në të, por do të jetë ende një rrugë e gjatë. Aktualisht fokusi është te Slavia Praga.

Më në fund edhe infermieria juaj u boshatis...

Ne i kemi rikuperuar pothuajse të gjithë lojtarët, Tomori, Thiaë dhe Kalulu do të kenë nevojë për kohë për të luajtur, por ata janë mirë, kemi kaluar periudha të vështira, por tani jemi mirë fizikisht. Për mua është e rëndësishme të kem dyshime dhe të gjithë djemtë në dispozicion, ne jemi një grup i madh dhe kemi nevojë për ndihmën e çdo elementi të vetëm në këtë periudhë.

E keni zgjedhur formacionin?

Si Ren ashtu edhe Slavia janë kundërshtarë të frikshëm, ndaj gjithmonë do të zgjedh skuadrën më të mirë, duke pasur parasysh gjithashtu që në kampionat nuk do të kem Leaon dhe Florencin për shkak pezullimesh. Duhet të mendojmë vetëm të bëjmë mirë ndeshje pas ndeshjeje e nuk duhet harruar se zgjedhjet që bëj janë gjithmonë për të mirën e Milanit.