Ligjet miratohen mes kaosit, PD akuza PS për votim të pavlefshëm
Mazhoranca voton projektligjet mes zhurmës, ligjet kalojnë pa debat “Nuk kishte kuorum”! Sipas rregullores së Kuvendit, që votimi të jetë i vlefshëm, duhet që në sallë të jenë prezentë 71 deputetë
Disa prej ligjeve më të rëndësishme të këtyre javëve të fundit u miratuan pa debat nga shumica qeverisëse, për shkak të protestës së opozitës.
Me zhurmues e pankarta, deputetët demokratë nuk lejuan asnjë prej përfaqësuesve të mazhorancës të diskutonin për ligjet e parashikuara në rendin e ditës. Për shkak të kësaj situate, mazhoranca votoi pa debate ndryshimet në ligjin për turizmin, ligjin për burimet ujore dhe atë për investimet strategjike. Por protesta e opozitës u shoqërua me probleme edhe në procesin e votimit. Për shkak se votimi bëhet me karton dhe dje kishte jo pak mungesa në radhët e mazhorancës, drejtuesja e seancës, Ermonela Felaj, nuk ishte në gjendje të sqaronte për asnjë ligj se sa vota mori pro, sa abstenim e sa kundër. Edhe pse Felaj nuk përmendi votë kundër apo abstenim, në sallë u pa socialisti Erion Braçe, që abstenoi për ligjin e investimeve strategjike, ndërsa Agron Shehaj votoi kundër. Në emër të mazhorancës, ministrja për Marrëdhëniet me Parlamentin, Elisa Spiropali, i bëri apel opozitës t’i kthehet dialogut dhe diskutimeve normale. “Ka ardhur koha që t’i gjejmë dy fjalë të përbashkëta. Ejani në Konferencën e Kryetarëve të biem dakord për objektet! Ejani në Komisionin e Reformës Zgjedhore dhe sillni propozime përmbajtësore”, - tha Spiropali. Por pavarësisht apelit të qeverisë, opozita do të vazhdojë protestën në Parlament deri në plotësimin e kërkesave të saj. Jashtë ambienteve të Parlamentit, kreu i grupit parlamentar, Gazment Bardhi, denon
“Për shkak se votimi bëhet me karton dhe dje kishte jo pak mungesa në radhët e mazhorancës, drejtuesja e seancës, Ermonela Felaj, nuk ishte në gjendje të sqaronte për asnjë ligj se sa vota mori pro, sa abstenim e sa kundër. Edhe pse Felaj nuk përmendi votë kundër apo abstenim, në sallë u pa socialisti Erion Braçe, që abstenoi për ligjin e investimeve strategjike, ndërsa Agron Shehaj votoi kundër”.
coi ndryshimet në ligjin për investimet strategjike. Për më tepër, sipas Bardhit, votimi është i pavlefshëm se nuk kishte kuorum. “Që të hapet procesi i votimit duhet të kenë votuar pro 71 deputetë. Deklarohet që janë 68, por kjo nuk e ndal vrullin për të miratuar ligjin për investimet strategjike, që është në interes të një grushti oligarkësh”, - tha Bardhi. Sipas rregullores së Kuvendit, që votimi të jetë i vlefshëm duhet që në sallë të jenë prezentë 71 deputetë dhe të votojnë pro shumica e deputetëve të pranishëm. Gjithnjë ka pasur debate në Parlament nëse deputetët që janë në sallë, por protestojnë, a mund të llogariten apo jo kur merret parasysh krijimi i kuorumit. Por dje, edhe pse zhurma e debatet nuk u ndalën, seanca mund të ketë kapur “rekordin” e paprekur prej muajsh sa i takon kohëzgjatjes. Zgjati plot 32 minuta nën drejtimin e Ermonela Felajt, e cila ia doli që mes kakofonisë së krijuar të drejtonte procesin e votimit për të gjitha projektligjet në rend dite. Me pankarta në duar, deputetët e PD- së akuzuan mazhorancën se “votimi u krye pa kuorum” me 68 deputetë të pranishëm. Nga ana tjetër, Felaj u kërkoi miqësisht kolegëve opozitarë që të respektojnë këtë ditë të shënuar për shqiptarët. Ishte edhe ministrja Elisa Spiropali, e cila pas një heshtjeje 4- mujore në sallën e Kuvendit, vendosi t’u kërkojë deputetëve të PD- së me tone mjaft të zbutura që “palët politike të gjejnë dy fjalë të përbashkëta”. E siç ndodh zakonisht, “shtrirja e dorës për diskutime konstruktive” as nuk u mor parasysh. “Për të gjithë mësuesit e Shqipërisë, sot për 7 Mars. Qetësohuni! Ç’keni? Të paktën ata na kanë mësuar se kur flet dikush, nuk ka zhurmë e bilbila. Ka ardhur koha t’i gjejmë dy fjalë të përbashkëta, ejani në Konferencën e Kryetarëve, ejani në Komisionin e Reformës Zgjedhore. Ju të gjithë fëmijëve të Shqipërisë po u jepni shembullin më të shëmtuar Ervin, e kam shumë sinqerisht këtë gjë. Partitë e bashkuat, jeni gjallë e jeni në dritë të vërtetë, vazhdoni përpara dhe përgjigja është e thjeshtë. Gëzuar 8 Marsin edhe për gratë, se nesër nuk jemi këtu”, - deklaroi Spiropali. Megjithatë, mazhoranca votoi Projektligjin për Burimet Ujore, Projektligjin për Turizmin, ndryshimet në Ligjin për Investimet Strategjike dhe ndryshimet në Ligjin për Mbrojtjen e Konkurrencës së Ndryshuar. “Shikoj kartonët, jo fjalët!”, - theksoi Felaj, teksa kërkoi votimin nen për nen të projektligjeve përkatëse. Kujtojmë se PD- ja shkoi me mungesa në Kuvend, pasi Sekretariati i Etikës vendosi përjashtimin me 30 ditë të Flamur Nokës, 20 ditë Bledion Nallbati dhe 5 ditë për Saimir Korreshin. Pavarësisht “ndëshkimeve” të herëpashershme me përjashtim nga seancat plenare, duket se aksioni opozitar do vijojë për gjatë.