Sulmi në Odesa, Mitsotakis mesazh Putinit: S'frikësohemi, do të mbështesin Ukrainën
Diplomati ukrainas: Nuk përjashtohet mundësia që sulmet raketore kishin si shënjestër delegacionin e Zelensky ose të Mitsotakis
Shpërthime të fuqishme u dëgjuan dy ditë më parë në qytetin jugor të Ukrainës, Odesa, gjatë një vizite të kryeministrit grek Kyriakos Mitsotakis në Ukrainë.
Greqia e ka kritikuar ashpër agresionin e Rusisë dhe i ka ofruar Kievit ndihma humanitare dhe armë, duke përfshirë automjete luftarake dhe municione. Nga foltorja e konferencës së EPP- së në Bukuresht, Kyriakos Mitsotakis, i dërgoi një mesazh Kremlinit se Evropa nuk do të frikësohet dhe do të vazhdojë të mbështesë Ukrainën materialisht dhe financiarisht. Megjithatë, në një diskutim që pati me gazetarët në margjinat e konferencës së Qendrës së Djathtë Evropiane, kryeministri iu referua më gjerësisht incidentit në Odesa. "Dikush e kupton se çfarë do të thotë luftë. Ne ishim atje për shtatë orë. Për ukrainasit është një realitet i përditshëm. Dhe kjo konfirmon korrektësinë e zgjedhjes së BE- së për të mbështetur Ukrainën përballë agresionit rus", - nënvizoi Mitsotakis, duke theksuar se "Evropa duhet të mbetet e bashkuar për çështjen e luftës". Mitsotakis u pyet për ndjesinë që përjetuan si ai, ashtu edhe anëtarët e misionit grek kur u dëgjuan sirenat dhe më pas shpërthimet në portin e Odesës. "Të gjithë ishim të shqetësuar. Nëse mendoni se ishim në një hapësirë të hapur, në pamundësi të mbuloheshim askund, ishte diçka shumë e egër", - theksoi
DIPLOMATI UKRAINAS
Ihor Zhovkva, një këshilltar i lartë diplomatik ukrainas, i tha CNN se nuk mund të përjashtohej mundësia që sulmi raketor rus të kishte shënjestruar delegacionet e Volodymyr Zelenskiy ose kryeministrit grek, Kyriakos Mitsotakis, raportoi "Reuters". "Ishte vërtet më pak se 500 metra larg nesh. Çfarë ishte ajo? … Nuk mund të përjashtohet se i ishte drejtuar delegacionit të presidentit tim apo delegacionit të mysafirëve", - tha ai. "Dëgjuam zhurmën e sirenave dhe shpërthimeve që ndodhën pranë nesh. Nuk patëm kohë të shkonim në një vend të sigurt strehimi", - tha kryeministri grek Mitsotakis. "Është një përvojë shumë e rëndë… është vërtet ndryshe të lexosh për luftën në gazeta se sa ta dëgjosh me veshët e tu dhe ta shohësh atë me sytë e tu", - shtoi ai. Presidenti ukrainas Zelensky tha se sulmi kishte shkaktuar viktima, por nuk dha hollësi mbi numrin e të vdekurve dhe të plagosurve. "Mund ta shihni vetë se me çfarë po përballemi. Ata nuk e vrasin mendjen se ku sulmojnë", - tha Zelensky në një konferencë të përbashkët shtypi.
REAGIMI I RUSISË
Zyrtarët e lartë ukrainas janë shprehur se delegacioni i Volodymyr Zelensky mund të ketë qenë shënjestër e sulmin me raketa rus një ditë më parë në Odesa. Por, një aleat i ngushtë i Vladimir Putin tani ka këmbëngulur se nuk ishte kështu. Dmitry Medvedev, nënkryetar i Këshillit të Sigurimit të Rusisë, tha se Moska do të kishte goditur objektivin e saj nëse ky do të kishte qëllimi do ishte ai dhe se ishte e qartë "për të gjithë" se nuk kishte pasur ndonjë goditje të planifikuar në autokolona. Kujtojmë se, Zelensky ishte duke inspektuar dje objektet e drithit në qytetin e Detit të Zi me kryeministrin grek Kyriakos Mitsotakis, në momentin kur ndodhi sulmi. Presidenti ukrainas tha se sulmi kishte shkaktuar viktima, por nuk dha hollësi mbi numrin e të vdekurve dhe të plagosurve. "Mund ta shihni vetë se me çfarë po përballemi. Ata nuk e vrasin mendjen se ku sulmojnë", - tha Zelensky në një konferencë të përbashkët shtypi. Kryeministri grek Mitsotakis dhe Presidenti Zelensky po vizitonin qytetin port jugor të Odesës, i cili ka qenë në shënjestër të sulmeve të reja të Rusisë pas tërheqjes së Moskës nga një marrëveshje, që mbronte eksportet e Ukrainës nëpërmjet Detit të Zi në verën e vitit 2023. Gjatë vizitës, presidenti Zelensky shpjegoi "rëndësinë e portit dhe atë që po bëhet për të rivendosur dhe forcuar rrugët detare të Ukrainës", - tha kryeministri Mitsotakis. Pas tërheqjes së Rusisë nga marrëveshja e grurit, Ukraina krijoi një korridor të mbrojtur detar për të vazhduar eksportet përmes Detit të Zi. Ministri i Infrastrukturës së Ukrainës, Oleksandr Kubrakov tha javën e kaluar se Ukraina kishte eksportuar më shumë drithë përmes porteve të Odesës në shkurt se në çdo muaj tjetër që nga fillimi i agresionit rus.