Prezantimi dhe "rrënja në mur", kur takohen të panjohurit e një gjaku
Kur një emër prodhon disa emra dhe një traditë e hershme, por jo shumë e aplikuar gjatë viteve të socializmit
Në realizimin e këtij eventi dhe pemës gjenealogjike, ata patën një kontribut kryesor në organizimin dhe realizimin e saj, realizim që nuk ishte aspak i lehtë, duke filluar që nga thellimi i njohjeve me tregimet e më të moshuarve, konsultimit të materialeve të shkruara, libra, arkiva, etj., si edhe pjesa e realizimit grafik të pemës gjenealogjike dhe të pjesës logjistike. Gjithashtu atë datë, konvencionalisht e bashkërisht, e kemi konsideruar edhe një datë për t'ia dedikuar fisit tonë edhe në vazhdim. që në vitet 800, deri ku kemi mundur të arrijmë me prejardhjen, nga ky trung kanë patur shumë të diplomuar jashtë vendit në universitete e akademi të shquara, juristë të shquar, si Ferhat Sulo, Halim Sulo, Dervish Sulo, Hysen Sulo, Mahmut Sulo, mjekë të shquar si Hajdar Sulo, Husamudin Sulo, Reuf Sulo, ushtarakë si Hiqmet Sulo, Fiqiri Sulo, e shumë të tjerë, përmenda vetëm ata që njoh, duke i patur më pranë në vijën e familjes.
Një përpjekje për të kryer një amanet nga të parët tuaj? Në këtë kontekst, e kemi patur një nxitje, një porosi, një amanet, nga të parët tanë, krenarë për prejardhjen e tyre, mos të harronim rrënjët tona. Janë ata që na e kanë ushqyer këtë ndjenjë, për t'u interesuar për vendin, familjen, pasardhësit. Nuk ka libohovit që pavarësisht ku ndodhej, të mos shkonte të vizitonte qytetin e tij. Të mos ruante miqësinë, lidhjet farefisnore me të tijët, pamavarësisht në kohë, largësi, të kushtëzuara nga trasferimet, lëvizjet në periudha të ndryshme, kjo marrëdhënie ka funksionuar. Kudo të jemi lindur e rritur ne, kur na pyesin, të gjithë themi me krenari se jemi nga Libohova.
Një histori, e shtrirë në shekuj, dhe në disa breza?
Në këtë frymë, realizuam edhe këtë event familjar, prezantimin e pemës gjenealogjike, fryt i përpjekjeve prej vitesh të saktësonim trungun, deri në njëfarë kohe kuptohet, se nuk ëshë e lehtë, duke fillar nga viti 1800 e në vazhdim dhe me degë të përhapura, përvec Libohovës, kudo në Shqipëri, Tiranë, Berat, Fier, Vlorë, Shkodër, etj. e ndërkohë që nga dy vëllezërit e viteve 800, u arrit në qindra e qindra emra deri në ditët tona, duke patur parasysh se u munduam ta bënim sa më të plotë duke përfshirë prejardhësit e fisit Sulo, por edhe të degëzimeve të tij edhe në familje me mbiemër tjetër prej martesave të vajzave.
Z. Sulo, siç e përmendët edhe ju më sipër, përveç se është një impenjim shumë i madh realizimi i pemës dhe eventit të fisit Sulo, dhe degëzimeve të tij, dhe natyrisht që në këto rreshta nuk mund të përmendni gjithçka në
detaje, por nëse na thoni shkurtimisht, si e realizuat konkretisht?
Atëherë, prej shumë vitesh, vitet ' 90, ka patur disa përpjekje dhe aktivitete për të zbardhur jetën dhe veprimtarinë e të parëve tanë, flas nga ne pasardhësit e Doktor Hajdar Sulos, stërgjyshit tim, pjesë që e njoh më mirë, të konkretizuara me mbledhje së bashku, libra për të, dekorime për veprimtarinë e tij e të vijuar edhe me pasardhësit. Gjithashtu, prindërit tanë kanë kontribuar me kujtimet dhe dokumentat që dispononin edhe në realizimin e librit "100 FAMILJE SHQIPTARE" të autorëve Donika dhe Skënder Anxhaku, libër në të cilin autorët donin ti kushtonin një kapitull edhe familjes Sulo. Janë edhe dy libra që hedhin dritë, si ai "JURISTËT LIBOHOVITË", dhe tjetri "MJEKËT, DENTISTËT, VETERINERËT, FARMACISTËT LIBOHOVITË" të profesor Uran Asllanit, ku mjaft prej tyre janë nga fisi ynë.
Një prezantim publik, me shumë të pranishëm, kjo edhe për disa motive?
Në vitet e fundit, ne më të rinjtë, relativisht, jemi munduar të mblidhemi e njhemi edhe me pjesën që nuk e njihnim dhe kemi organizuar disa takime mes nesh, gjithashtu edhe jemi takur në raste gëzimesh, vdekjesh, pjesë e jetës. Nga këto takime së bashku, njohje me njerëz që nuk i kishim takur më parë fizikisht, u pa se pothuaj të gjithë patën një entuziazëm nga kjo inisiativë, vumë re se sa karakteristika të përbashkëta kishim dhe një dëshirë për ta vazhduar këtë traditë dhe që sot e kësaj dite, frekuentohemi shpesh mes nesh.
Më thatë se zgjodhët një datë, pak të veçantë, për cilën aryse?
Finalizimi i këtyre përpjekjeve për të njohur fisin tonë, si të thuash, u me realizimin e pemës dhe eventin për nder të fisit tonë. U zgjodh data 24 shkurt, datë që koincidonte me 85- vjetorin e lindjes së Astrit Sulos, që tashmë ka ndërruar jetë prej 3 vjetësh, i cili ishte ndër promotorët ruajtjes së lidhjeve të fisit, gjë të cilën ua la amanet në gjallje djemve të tij, Gentit dhe Elvisit, ta mbanin e ta conin përpara. Dhe në realizimin e këtij eventi dhe pemës gjenealogjike, ata patën një kontribut kryesor në organizimin dhe realizimin e saj, realizim që nuk ishte aspak i lehtë, duke filluar që nga thellimi i njohjeve me tregimet e më të moshuarve, konsultimit të
materialeve të shkruara, libra, arkiva, etj., si edhe pjesa e realizimit grafik të pemës gjenealogjike dhe të pjesës logjistike. Gjithashtu atë datë, konvencionalisht e bashkërisht, e kemi konsideruar edhe një datë për t'ia dedikuar fisit tonë edhe në vazhdim.
Nga ky event, siç e përshkruat më sipër, çfarë qëllimi u arrit, cilat janë mbresat tuaja pas tij, reflektimet, synimet, etj.?
Pyetje me vend, se deri aty u përshkrua si diçka e bukur, që u ndjemë mirë, etj. Por, ajo që është më e rëndësishme, është njohja e rrënjëve, trashëgimisë, karakteristikave të përbashkët, njohja me njeri- tjetrin, mundësia dhe motivimi që këtë gjë ta bëjnë në të ardhmen edhe fëmijët e nipërit tanë. Është shumë e rëndësishme të njohësh rrënjët, të kesh identitet, kjo i forcon më shumë familjet, që janë qeliza e shoqërisë, rrjedhimisht kjo i shërben vendit.
Një pyetje pak provokative, kur ju thatë që në atë pemë janë me qindra e qindra persona, sikurse përmendët pak më sipër gjen karakteristika të përbashkëta. Duke qenë se edhe në një familje ka diversitet, çfarë karakteristikash të përbashkëta mes jush keni vënë re?
Atëherë, në atë pemë ka një diversitet shumë të madh e të larmishëm njerëzish me formime shkollore të ndryshme, punë të ndryshme, me kredo dhe angazhime politike të ndryshme, shpesh edhe antagoniste etj., por, nëse do shprehesha me terma matematike, rezultantja e fisit, e përbashkëta, është se shumica e tyre, në të gjitha kohërat është karakterizuar nga atdhedashuria, ndershmëria në punën e angazhimet sipas kredos personale, jo domosdoshmërisht më të drejtat e më të mirat, por të udhëhequr nga parimet si më sipër.
Z. Arben, në përfundim të intervistës, si do ta përmbyllnit gjithë sa më sipër?
Si konkluzion, pothuaj të gjithë ne, pjesëmarrës në atë event, u ndjemë jo vetëm krenarë, por edhe më të bashkuar, më të vetëdijshëm se edhe ndër pjesëtarë të fisit antagonistë në disa drejtime, kishim shumë më tepër gjëra që na bashkonin, gjëra të mira flas, jo në aspektin e interesave. Pas atij takimi u ndjemë akoma më të motivuar për ta vazhduar këtë traditë në të ardhmen, për ta thelluar, përmirësuar e pasuruar njohjen, duke ua lënë amanet edhe pasardhësve tanë.