Mertenika: Inteligjenca artificiale po ul koeficientin e inteligjencës natyrore
Inxhinieri biomjekësor: Po kapërcehen limitet, rreziku nga mikroçipat
Zhvillimi i teknologjisë po shkakton një transformim rrënjësor në botën njerëzore. Inteligjenca artificiale është kthyer tashmë në binjakun tonë virtual.
"Mendja Robotike" është kthyer tashmë në thikë me dy presa ( Beneficiare dhe Dominuese). Inteligjenca Artificiale ka prekur më së miri sektorin shëndetësor dhe ka sjellë ndryshime mjaft të rëndësishme në këtë sektor. Zhvillimi masiv i robotëve kirurgjikale ku "Kirurgët Robotikë" po ndryshojnë totalisht jetën e pacientëve. Sot, kirurgjitë e ndërlikuara kryhen me "Kirurgë Robotikë", të cilët karakterizohen nga një precizion i madh, saktësi matematikore dhe koha e rehabilitimit të pacientëve në gjendjen normale është e vogël, perfeksion në diagnostikim të saktë të sëmundjeve të ndryshme etj.
Por, rreziku për të dominuar njerëzimin është present. Në një intervistë për gazëtën "Panorama", inxhinieri biomjekësor Ermand Mertenika bën një krahasim mes inteligjencës natyrale dhe asaj artificiale, duke nënvizuar se kjo e fundit nuk mund të funksionojë pa ndihmën e njeriut. Ai thekson se ky zhvillim i shpejtë dhe i vrullshëm mund të ketë një efekt "boomerang", pasi po e dëmton në mënyrë indirekte inteligjencën artificiale.
A po bashkëjetojmë me një botë tjetër virtuale metaverse?
Vitet e fundit, inteligjenca artificiale ka përhapur valën e saj galopante globale dhe kjo është bërë pjesë jona e pashmangshme. Mendja robotike ka filluar të dominojë në mënyrë indirekte në proceset tona të punës. Ky koncept teknologjik po thjeshton tejmase jetën tonë në çdo sektor si në industri, arsim, shëndetësi, jetën tonë sociale, ushtri, aeronautike farmaceutikë etj.
Cili është qëllimi i kësaj bashkëjetese?
Jetojmë në një botë kapitaliste ku fokusi i vetëm është produktiviteti e profitanca dhe kjo "MENDJE ROBOTIKE" po i përshtatet më së miri duke na shmangur, po duke na lënë në një cep aty si të pavlefshëm për kohën moderne ku teknologjia lëviz shumë shpejt, me një shpejtësi marramëndëse. Duket sikur Inteligjenca Natyrale "Mëndja Njerëzore" po sfumohet, është kthyer e pafuqishme përballë këtij binjaku dixhital i cili funksionon në mënyrë automatike më një shpejtësi procesimi shumë të lartë.
"Mendja Robotike" është krijuar për të lehtësuar punën tonë apo për të na dominuar?
Vite përpara industritë e automobilave kishin nevojë për Inteligjencen Natyrale ( kishin nevojë për staf të madh punonjësish), por sot kjo gjë ka ndryshuar. "Mendja Robotike" na ka dominuar në mënyrë mjaft indirekte. Dikur ky staf i madh punonjësish kishte një rendiment të ulët produktiviteti (" feedback"- u mujor i prodhimit të automobilave ishte i ulët). Sot, "MENDJA ROBOTIKE" e aplikuar në industri ka rritur produktivitetin masivisht, duke sjellë përfitime madhore krahasuar me inteligjencën natyrale. Pra, sot industritë funksionojnë me një staf minimal punonjësish ( të mbikualifikuarit) dhe pjesën tjetër të punës e bëjnë me se miri këta robotë inteligjente.
A jemi ne të riskuar nga ky zhvillim progresiv i pakthyeshëm?
"MENDJA ROBOTIKE" është kthyer tashmë në thikë me dy presa ( Beneficiare dhe Dominuese). Inteligjenca Artificiale ka prekur më së miri sektorin shëndetësor dhe ka sjellë ndryshime mjaft të rëndësishme në këtë sektor. Zhvillimi masiv i robotëve kirurgjikale ku "Kirurgët Robotikë" po ndryshojnë totalisht jetën e pacientëve. Sot, kirurgjitë e ndërlikuara kryhen me "Kirurgë Robotikë", të cilët karakterizohen nga një precizion i madh, saktësi matematikore dhe koha e rehabilitimit të pacientëve në gjendjen normale është e vogël, perfeksion në diagnostikim të saktë të sëmundjeve të ndryshme etj.
A mund të funksionojë e pavarur inteligjenca artificiale?
Sipas opinionit tim, gjithmonë do kemi një sistem simbiotik midis inteligjencës natyrale ( njerëzore) dhe inteligjencës robotike.
Të dyja këto koncepte funksionojnë njëkohësisht të ndërthurara me njëra- tjetrën për të arritur qëllimin e kërkuar. Në shëndetësi është arritur deri aty saqë të kemi sot mikro- robotë, mikro- procesorë të implementuar në trurin e njeriut dhe mesa duket qëllimi po arrihet që të na lexojnë dhe mendjen në një të ardhme të shpejtë me mikro- kompjutera të programuar, të cilët instalohen në trurin e njeriut. Inteligjenca artificiale duket sikur po kapërcen limite, ka krijuar mikroçipa për t'u përdorur si ndërfaqe dhe për të lexuar dhe kuptuar botën e mistershme të mendjes njerëzore. Mbase në një të ardhmeje mjaft të shpejtë kjo inteligjenca artificiale mund të na ruajë dhe memorien tonë.
Si po na dominon kjo "Mendje Robotike"?
Inteligjenca artificiale në sektorin ushtarak ka gjetur një përdorim masiv, krijimi i dronëve ushtarakë, tankeve portative robotikë, në sistemin militar aeronautik etj. Krijimi i Humanoidëve ( robotëve prototip njerëzorë) ka çuditur paksa jetën tonë, sepse teknologjia e tyre po imiton idealisht qeniet njerëzore në atë afër perfektes.
A është e mundur që inteligjenca artificiale të konkurrojë atë natyrale?
Inteligjenca artificiale duket sikur me zhvillimin e saj po sfumon ( po ul) koeficientin e inteligjencës natyrale, po na bën dembelë, të zgjidhim problematika të ndryshme lehtësisht pa e vrarë mendjen tonë, sepse ne i bëjmë një pyetje inteligjencës artificiale dhe marrim pergjigjen brenda sekondave. "Mendja Robotike" sigurisht ka okupuar botën e teknologjisë së informacionit. Zhvillimi i aplikacioneve "online" rrit intensitetin e komunikimit dhe afron mendjet tona nga dy cepat më të largëta të botës, por njëkohësisht po dominon në mënyrë indirekte psikologjinë tonë, duke na kthyer në introvertë, duke e humbur ndjenjën e socializimit.
A po kthehet në "boomerang" inteligjenca artificiale?
Inteligjenca Artificiale po e dominon në mënyrë indirekte njerëzimin, ne e kuptojmë nga koshienca jonë si po funksionon, ulja e numrit të punonjësve, introvertizmi dhe antisocializimi po shkaktojnë problematika në familje dhe shoqëri etj. Inteligjenca artificiale është kthyer në një koncept "boomerang".
Po zhvillon, po ndërton, po proceson, por dhe po dëmton në mënyrë indirekte inteligjencën natyrale. Një gjë duhet të kuptojmë: inteligjenca artificiale nuk do funksionojnë kurrë pa atë natyralen, duhet të dimë të përdorim për të përmirësuar jetën tonë.