“S’pranojnë korrupsionin”, PD: Ramës po i ikin socialistët
Kryeministri tha se “demokratët e kanë derën e hapur”, reagon Bardhi “Shkoi në Shkodër, pasi poshtëroi qytetin më keq se një pushtues”, Berisha: Rama e ka diskriminuar veriun e Shqipërisë
Për Edi Ramën, socialistët kanë përgjegjësinë më të madhe për të garantuar një të ardhme të sigurt për Shqipërinë.
Si kundërpërgjigje ndaj ftesës që u bëri demokratëve që t’i bashkohen PS- së, PD- ja i kujton Edi Ramës se duhet të kthejë sytë nga të vetët, pasi po ikin socialistët që nuk pranojnë korrupsionin. Kreu i grupit parlamentar të PDsë, Gazment Bardhi, në rrjetin social “X” shkruan se, “Edi Rama duhet të mbyll derën dhe dritaren që të mos vijojë braktisja masive që po i bëjnë socialistët e ndershëm, që nuk pranojnë dot 11 vjet keqqeverisje dhe korrupsion, largimin e të rinjve nga vendi apo varfërinë në rritje. Demokratët kanë shtëpinë e tyre dhe janë të vendosur të bëjnë realitet ndryshimin që presin shqiptarët prej 11 vjetësh. Boll më! 11 vjet keqqeverisje dhe korrupsion janë shumë kohë e humbur!”, - u shpreh Gazmend Bardhi. Edhe lideri Sali Berisha reagoi ndaj deklaratës në Shkodër duke i kujtuar Edi Ramës diskriminimin që i ka bërë veriut të Shqipërisë. Para mbështetësve poshtë banesës së tij, Berisha e akuzoi kryeministrin Edi Rama se ka diskriminuar veriun e Shqipërisë më shumë se asnjë sundimtar tjetër. Berisha shprehet se investimet 10vjeçare të Shkodrës janë disa herë më të ulëta se ato të Bashkisë së Divjakës. Ai shton se në të gjithë veriun nuk ekziston absolutisht asnjë projekt i ri i nisur, përveçse zvarritjes dhe mospërfundimit të një serie projektesh në vazhdim. “Demokrate e demokratë, qytetare e qytetarë! Kthesa e madhe që kërkohet nga ne është jetike për përmbysjen e diktaturës së dytë, që bazohet në aleancën e pushtetit me krimin, bandat e tij, që bazohet në vjedhjen e qytetarëve shqiptarë dhe drogën. Kjo betejë është jetike, është vendimtare dhe kërkon nga ne sakrifica për të cilat kam bindjen se do të jemi të gatshëm t’i bëjmë. Ne nuk mund të pranojmë që një e keqe e madhe të rritet para
syve tanë, të nxijë të ardhmen tonë, të shkretojë këtë vend sa asnjë luftë, sa asnjë pushtim në historinë e saj. Edi Rama ishte në Shkodër. Shkoi në Shkodër, pasi e poshtëroi qytetin më keq se një pushtues, apo pasi e pushtoi atë me banda, pasi i grabiti votën me vrasësit serialë të Bajrit, me Pëllumb Gjokën dhe banditë të tjerë. Shkoi në Shkodër e njëlloj si një pushtues i lig, kapardis
ej. E vërteta është se Shkodrën dhe jo vetëm Shkodrën, por kurrë ndonjëherë veriun e Shqipërisë, nga FushëKruja gjer në Vermosh, nuk e ka diskriminuar një sundimtar tjetër sa e ka diskriminuar Edi Rama. Nuk e ka shkretuar një njeri tjetër, sa e ka shkretuar Edi Rama. Investimet 10- vjeçare të Shkodrës, epiqendra e veriut, janë disa herë më të ulëta se ato të Bashkisë Divjakë. Në
të gjithë veriun nuk ekziston absolutisht asnjë projekt i ri i nisur, përveçse zvarritjes dhe mospërfundimit të një serie projektesh në vazhdim. Vendosi taksën në Rrugën e Kombit. Gjeni kund 100 metër rrugë nga Miloti në Rrëshen që të jetë zgjeruar? Ka 1 muaj që jep një lajm se po përfundon ura e Kukësit, ura që ka filluar të paktën 6 vite më parë”, - deklaroi lideri demokrat.