Ftesa, Rama u hap derën demokratëve: Të shkëputemi nga ndasitë e së shkuarës
“Shkodra u mbajt peng. Të na bashkohen edhe demokratët për transformimin” “Partia të jetë më digjitale”, kryeministri porosi strukturave të PS- së në Shkodër: Reklamoni punën në “Instagram”, ka shumë efekt
Kryeministri Edi Rama përgjatë dy ditëve mblodhi në Shkodër krerët e bashkive të vendit, ndërsa dje takoi organizatat socialiste.
Rama siguroi se qeveria do e mbështesë Shkodrën, pasi sipas tij, është një nga bashkitë më të prapambetura në vend. “Shkodra ishte pengu i një krenarie të humbur, që përkthehej në një mllef asgjësues, duke u kapur pas së shkuarës. Shkodra sot është një laborator i të shkuarit përtej kufijve partiakë dhe të kuptuarit të interesit dhe qëllimeve të përbashkëta, duke i mbrojtur më mirë, duke kapërcyer kufijtë partiakë. PS- ja është një instrument për të realizuar qëllime të përbashkëta që kanë të bëjnë me njerëzit, me vendin. Shqipëria nuk ka kohë për të humbur, ka humbur kohë me ndasi që nuk i kanë shërbyer, u kanë shërbyer vetëm atyre që kanë dashur të kenë sa më shumë njerëz të verbër nga mbrapa për pushtetin e tyre”, - theksoi ai. Anëtarëve të organizatave socialiste me të cilët zhvilloi takime, u la edhe porositë e fundit, përpara largimit nga qyteti verior. Mësohet se Rama ka kërkuar nga socialistët që të jenë më aktivë në rrjetet sociale dhe të promovojnë punët e mira që po bëhen në Shkodër, por edhe në të gjithë vendin, pasi është një mënyrë që funksion dhe rrit besimin e të tjerëve ndaj PS- së. Dyert e partisë i ftoi t’i hapin për këdo, duke u kujtuar të vetëve se 14 maji shënoi edhe kthesën përtej ndasive politike. “Ne duhet t’u themi njerëzve bujrum! Dyert tona janë të hapura, sepse sa më shumë larmi dhe diversitet të kemi brenda organizatave tona, aq më shumë njerëzit do të na besojnë që e kemi vërtetë shumë seriozisht shkëputjen nga ato gomat dhe nga ato ndasitë. Duhet të jemi më gjithëpërfshirës në Shkodër, të hapim dyert për të gjithë edhe për demokratët
“Shkodra sot është një laborator i të shkuarit përtej kufijve partiakë dhe të kuptuarit interesit dhe qëllimeve të përbashkëta, duke i mbrojtur më mirë duke kapërcyer kufijtë partiakë. PS- ja është një instrument për të realizuar qëllime të përbashkëta që kanë të bëjnë me njerëzit, me vendin. Shqipëria nuk ka kohë për të humbur, ka humbur kohë me ndasi që nuk i kanë shërbyer, u kanë shërbyer vetëm atyre që kanë dashur të kenë sa më shumë njerëz të verbër nga mbrapa për pushtetin e tyre”.
që në Shkodër; kemi Benetin kështu që demokratët e kanë derën e hapur”, – mësohet të jetë shprehur Rama. Mbështetje pa kursim premtoi për qytetin e braktisur nga e djathta sipas tij, duke sjellë si shembull ndërtimin e stadiumit “Loro Boriçi”. Jo pak investime ka parashikuar të realizojë për këtë qytet, duke hedhur poshtë zërat se qeveria e tij ka lënë pas veriun e Shqipërisë, duke u dhënë prioritet projekteve në jug. “Me ndihmën e Zotit dhe mbështetjen e shkodranëve bëhet modeli i një transformimi që do të jetë edhe më pozitiv, por njëkohësisht edhe lokomotiva që do të tërheqë të gjithë veriun me vete”, - u shpreh kryeministri. Kryesocialisti theksoi edhe nevojën e anëtarësimeve të reja, duke kërkuar gjithashtu të jenë sa më aktivë në rrjetet sociale për të promovuar investimet që po kryhen në Shkodër. Në ditën e parë të vizitës në Shkodër, Edi Rama u premtoi kryebashkiakëve në takimin e mbështetje financiare, projekte dhe rritje pagash. Kryeministri Edi Rama u shpreh se reforma territoriale do një fazë të dytë për reduktimin e bashkive, por shytoi se për t’u bërë kjo, duhet konsensus me pakicën. “Reforma territoriale do më pak bashki, por kjo kërkon konsensus me një pjesë të pakicës, por ky është një debat vetëm harxhim kohe. Është e sigurt se nëse bashki të caktuara bashkohen me një tjetër, mund të prodhojnë më shumë ekonomi, rezultat. Për shërbimet janë të qarta sesi do të jetë e ardhmja e tyre. Shqipërisë i duhen më pak bashki dhe më shumë kualitet në administrimin vendor”, - tha Rama. Por, a ka marrëveshje mes maxhorancës e opozitës për t’i kthyer normalitetin Parlamentit, duke plotësuar kërkesat për ngritjen e komisioneve hetimore. “Unë realisht nuk i kuptoj ata që arrijnë të komentojnë marrëveshje për ngritje të komisioneve hetimore. Ne nuk kemi refuzuar dhe nuk kemi shkelur asnjë të dejtë për ngritjen e komisioneve hetimore. Ne kemi referuar të votojmë iniciativa që shkelin kornizën e mirëpërcaktuar nga vendimet e GJK. Kjo nuk është çështje marrëveshjeje apo negociatash, është çështje të drejtash. Opozita ka të drejtë të ngrejë një komision hetimor, por sipas rregullores. Nuk ka nevojë për marrëveshje, negociata apo bisedime. Diskutimet për këtë bëhen në komision. Besoj se kanë kaluar disa muaj që unë e kam thënë dhe e përsëris. Komisioni i Reformës Zgjedhore, praktikë që ka dalë nga konteksti i kohës që po jetojmë. Ligjin do ia lëmë në dorë Kuvendit. Nëse do të ketë vota, të ketë. Nëse jo, do të bëjmë zgjedhje me ligjin ekzistues. Në të gjithë këtë përudhe kam parë me kënaqësi që kryetarët e bashkive kanë bërë punët e tyre”, - tha Rama. Në takimin e kryeministrit me krerët bashkiakë ishin të pranishëm edhe opozitarët si kryetarët e Hasit, Mirditës, Pukës, Fushë- Arrëzit, Memaliajt e Kavajës.