Nis ndarja e këstit të katërt për trashëgimtarët e ish- të dënuarve politikë, lista
Një miliard lekë fond çdo vit për dëmshpërblimin e të përndjekurve Emrat e përfituesve dhe lista e dokumenteve që duhet të dorëzojnë për të lëvruar pagesat. Afati deri më 16 maj
Ministria e Financave dhe Ekonomisë ka nisur procedurën e pagesës së këstit të katërt për ish- të përndjekurit politikë.
Janë më shumë se 25 mijë përfitues në radhë për të marrë këstin e radhës në masën që iu takon. Sipas MFE- së, të gjithë personat përfitues, pjesë e listës, duhet të depozitojnë dokumentacionin e nevojshëm për kryerjen e pagesës, duke kryer plotësimet e duhura, sipas kërkesave ligjore. Më konkretisht, nevojitet akti i trashëgimisë, certifikata e vdekjes së të dënuarit, certifikata e trungut të të dënuarit, si dhe fotokopja e kartës së identitetit ose pasaportës së çdo trashëgimtari bashkë me numrat përkatës së llogarisë për secilin përfitues. Kjo e fundit ka caktuar tre muaj afat nga muaji qershor, për plotësimin e dosjes me dokumentacionin e kërkuar për të lëvruar këstin e radhës. Çdo vit, 1 miliard lekë vihet në dispozicion nga qeveria për dëmshpërblimin e ish- të përndjekurve politikë. Kategoria parësore që ka përjetuar direkt përndjekjen gjatë regjimit komunist është në fazën e këstit të 21- të, ndërsa kategoria e trashëgimtarëve kanë arritur deri në këstin e katërt, por ndërkohë ka ende që nuk kanë marrë këstin e tretë. Dhënia e dëmshpërblimit financiar nga shteti shqiptar për ish- të dënuarit politikë të regjimit komunist, të mbetur gjallë, për familjarët e viktimave të ekzekutuara dhe personat e internuar ose të
dëbuar në kampe, është një angazhim i qeverisë në dënimin e krimeve të regjimit totalitar komunist dhe garantimin për ta apo pasardhësit e tyre një jetë më të mirë.