“Dosja të më dorëzohet pa paguar paratë”, GJKKO rrëzon Beqajn
Gjykata e Posaçme rrëzoi dje kërkesën e ish- kreut të dikasterit për marrjen e akteve të skanuara të dosjes, pritet ankimi në Apel
Ish- ministri i Shëndetësisë vijon betejën ligjore me Prokurorinë e Posaçme në lidhje me marrjen e materialeve hetimore që i përkasin atij dhe që gjenden në SPAK.
Duke qenë se Beqaj e ka bërë kërkesën prej më shumë se dy muajsh dhe dosja nuk iu ka dhënë, ish- ministri nën hetim ka vendosur t’i kërkojë ligjërisht aktet e për pasojë iu ka drejtuar me një kërkesë Gjykatës së Posaçme. Në fakt, Beqaj, sa herë ka shkuar në SPAK kohëve të fundit, ka shfrytëzuar rastin të çojë mesazh tek autoritetet hetimore dhe gjyqësore për një të drejtë të tijën, por Prokuroria i është përgjigjur se ai duhej të paguante një tarifë për ta marrë atë shërbim dhe tarifa, sipas Prokurorisë, është 1.2 milionë lekë. Beqaj refuzoi të paguante dhe ditën e djeshme, GJKKO shqyrtoi kërkesën e tij, por sërish edhe Gjykata vendosi të ishte kundër kërkesës. Dje kjo gjykatë doli me vendim, ku menjëherë u bë edhe publik ku iu bë me dije ish- ministrit të Shëndetësisë se nuk mund ta merrte shërbimin që kërkonte pa shlyer shumën monetare të vendosur për atë rast. Tashmë pritet që Beqaj me anë të avokatit të tij t’i drejtohet
Gjykatës së Apelit për të njëjtën kërkesë, pasi ai vetë ka pranuar edhe publikisht se nuk ka pse paguan për një dosje që i takon atij, meqë j anë aktet për çka ai dyshohet dhe hetohet nga prokurorët e SPAK!
SHQYRTIMI
Gjykata e Posaçme ka rrëzuar ish- ministrin e Shëndetësisë, Ilir Beqaj, i cili kërkoi që të mos paguante një faturë prej 120 mijë lekësh të SPAK për të marrë një kopjeje të akteve të dosjes së tij.
Ish- ministri i Shëndet ë s i s ë , I l i r B e q a j d u k e dalë nga ambientet e
SPAK, pasi ka përmbushur masën e tij të sigurisë për “Detyrim Paraqitjeje”. Beqaj akuzohet për shpërdorim detyre dhe i është vendosur masa e sigurisë “Detyrim për paraqitje” dhe “Ndalim i daljes jashtë shtetit”. Beqaj ka kundërshtuar në GJKKO faturën duke kërkuar që Prokuroria e Posaçme t’i japë aktet pa qenë nevoja të paguajë shpenzimet procedurale. Ai ka paraqitur kërkesën në Gjykatën e Posaçme që SPAK t’i vendosë nën dispozicion, pa kurrfarë detyrimi monetar nga ana e tij për shërbimin e skanimit, të akteve të deritanishme të dosjes hetimore, “në kuadër të garantimit të së drejtës së tij kushtetuese dhe ligj ore për t’u njohur me aktet e dosjes hetimore në ngarkim të tij”. Por togat e zeza vendosën rrëzimin e kërkesës si të pabazaur në l i gj dhe shpenzimet iu ngarkuan Ilir Beqajt. Njoftimi GJKKO- së “Personi nën hetim Ilir Beqaj, më datë 02.2024, ka paraqitur pranë gjykatës kërkesën me objekt: Detyrimin e Prokurorisë së Posaçme kundër Korrupsionit dhe Krimit të Organizuar, që të vendosë në dispozicion të z. Ilir Beqaj si ‘ person nën hetim’, pa kurrfarë detyrimi monetar nga ana e tij për shërbimin e skanimit të akteve të deritanishme të dosjes hetimore që lidhet me procedimin penal Nr. 13, të vitit 2020, në kuadër të garantimit të së drejtës së tij kushtetuese dhe ligjore për t’u njohur me aktet e dosjes hetimore në ngarkim të tij. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtari Erjon Bani, me vendimin Nr. 145 Akti, datë 11.03.2024, vendosi: Rrëzimin e kërkesës si të pabazuar në ligj. Shpenzimet gjyqësore i ngarkohen kërkuesit. Kundër këtij vendimi mund të bëhet ankim në Gjykatën e Posaçme të Apelit për Korrupsionin dhe Krimin e Organizuar brenda 15 ( pesëmbëdhjetë) ditëve, duke filluar ky afat nga e nesërmja e komunikimit të këtij vendimi”.