Subvencionet për fermerët, ministrja e Bujqësisë: Nga 27 marsi nisin aplikimet
Denaj: Do të hiqet tavani limit dhe financim mëi lartë për bashkimet e operatorëve
Prej datës 27 mars, fermerët do të mund të aplikojnë për të përfituar subvencionim nga skema kombëtare e bujqësisë.
Këtë vit do të ketë dy risi. Përkatësisht ministrja e Bujqësisë dhe Zhvillimit, Rural Anila Denaj, tha se risitë e këtij viti janë heqja e tavaneve limit për aplikuesit, si dhe financim më i lartë me subvencione për aplikimet e bashkuara të fermerëve të njëjtit prodhim. "Këtë vit Skema e Subvencioneve ka përfitim më të lartë për çdo aplikues, kjo falë prioritizimit që bëhet nëpërmjet bashkimit të operatorëve, një kontratë mes fermerësh për të realizuar të njëjtin produkt drejt të njëjtit treg dhe të njëjtin protokoll sanitar. Për ta konkretizuar: nëse 4 anëtarë janë bashkë me një sipërfaqe toke 1 hektar ata marrin secili prej tyre në llogari të veçantë masën e financimit në nivelin maksimal. Ky bashkim operatorësh nuk nënkupton bashkim pronash, por bashkim interesash dhe prodhimi, sepse vetëm kështu ne mund të rrisim shkallë, të rrisim automatizim të produktit dhe mbi të gjitha të synojmë të njëjtin treg",- theksoi Denaj. Sakaq, skema Kombëtare e këtij viti aplikohet pa tavane. Tavane, të cilat më parë limitonin aplikimin për më shumë se sa për shembull 300 krerë bagëti nuk ekziston. "Ne do të japim 50% të financimit të çdo mase për çdo krerë bagëti mbi 300, e kështu nxisim më shumë rritjen e tufave dhe punojmë për të realizuar një ekonomi shkalle akoma më të lartë"shtoi Denaj.
Këtë vit vendosëm që falë edhe kërkesave të shumë aplikuesve të largonim burokracitë, kohën e tepërt dhe ta rimbursojmë atë drejtpërdrejtë në llogari. Kjo do të realizohet gjatë gjithë vitit duke synuar edhe formalizim më të lartë të fermerëve në këtë Skemë. Në dhënien e subvencioneve direkte do të përfshihet edhe sektori i bimëve mjekësore", tha Denaj. Ajo shtoi se do të marrë subvencionim edhe sektori I bimëve mjekësore e aromatike.
SUBVENCIONIMI I NAFTËS
Ministrja e Bujqësisë pohoi se edhe këtë vit do të vijohet me skemën e naftës e subvencionimit të naftës pa akcizë, që sivjet rimbursimi do të shpërndahet direkt në llogaritë e fermerëve. "Nafta është një komponent shumë i rëndësishëm i Skemës Kombëtare, e thënë ndryshe subvencioni i drejtpërdrejtë që fermerët marrin prej tre vitesh. Këtë vit vendosëm që falë edhe kërkesave të shumë aplikuesve të largonim burokracitë, kohën e tepërt dhe ta rimbursojmë atë drejtpërdrejtë në llogari. Kjo do të realizohet gjatë gjithë vitit duke synuar edhe formalizim më të lartë të fermerëve në këtë Skemë. Në dhënien e subvencioneve direkte do të përfshihet edhe sektori i bimëve mjekësore", tha Denaj. Ajo shtoi se do të marrë subvencionim edhe sektori I bimëve mjekësore e aromatike. "Sektori i bimëve aromatike dhe medicinale angazhon shumë familje në zonat rurale malore, e këtë vit menduam t'a bënim pjesë të Skemës, duke i dhënë mundësinë e aplikimit në mënyrë të drejtpërdrejtë. E duke ndikuar drejtpërdrejtë një sektor shumë të rëndësishëm të bujqësisë, i cili është në hapat e tij të parë, por të sigurte të tregjeve elitare si ato të Bashkimit Evropian", tha Denaj. Sipas ministres aplikimet fillojnë më 27 mars dhe deri atëherë zyra e bujqësisë janë në dispozicion të plotë të çdo pyetjeje, të çdo sqarimi për aplikuesit. Vjet ministrja Denaj tha se nga skema e subvencioneve përfituan 65,000 fermerë, ndërsa këtë vit synohet të tejkalohet 70,000 përfitues apo 77% të gjithë fermerëve të regjistruar në Shqipëri.