Vendimi për dinarin, Escobar kritika qeverisës së Kosovës: Katastrofik
I dërguari i SHBA: Kemi probleme në komunikim me kryeministrin Albin Kurti
I dërguari i Shteteve të Bashkuara për Ballkanin Perëndimor, Gabriel Escobar, e ka quajtur "katastrofik" dhe "jokompetent" vendimin e autoriteteve të Kosovës për të zbatuar rregulloren e Bankës Qendrore të Kosovës që përcakton euron si valutën për kryerje të pagesave me para të gatshme.
"I bëjmë thirrje qeverisë së Kosovës që t'i ketë parasysh shqetësimet e komunitetit serb dhe mekanizmit ndërkombëtar për trajtimin e minoriteteve brenda Kosovës", bëri thirrje Escobar.
Kështu është pamundësuar përdorimi i dinarit serb në komunat me shumicë serbe në Kosovë. "I bëjmë thirrje qeverisë së Kosovës që t'i ketë parasysh shqetësimet e komunitetit serb dhe mekanizmit ndërkombëtar për trajtimin e minoriteteve brenda Kosovës", bëri thirrje Escobar. Ai ka rikujtuar se Francës i është dashur gati një vit për të adoptuar euron, përderisa, në veri të Kosovës kanë dashur të zbatojnë vendimin brenda 3 javëve. Escobar e ka përsëritur që Shtetet e Bashkuara nuk e kundërshtojnë legjitimitetin e vendimit, mirëpo kanë probleme me mënyrën e zbatimit dhe për efektin që ka te komuniteti serb. Qysh prej 10 marsit e deri më 18 mars, Escobar do të realizojë një mori takimesh në Belgjikë, Kosovë, Austri dhe Mal të Zi. Escobar pritet t'i nisë takimet në Prishtinë ditën e sotme. I pyetur pse nuk po e viziton edhe Maqedoninë e Veriut, ai ka thënë se situata në Kosovë është "e tmerrshme, prandaj më duhet ta vizitoj Kosovën". I pyetur për pasojat e mundshme ndaj Kosovës dhe Serbisë për moszbatim të marrëveshjes së Ohrit, Escobar ka thënë se Prishtina zyrtare duhet të nisë punën drejt formimit të Asociacionit të komunave me shumicë serbe, ndërsa Serbia t'i konsiderojë si obligative zotimet e bëra. Sipas tij, pasojë e mospërmbushjes së zotimeve të marrëveshjeve do të jetë ngadalësimi në rrugën e integrimeve evropiane.
KRISJA E MARDHËNIEVE
Escobar e ka pranuar se ekziston një çarje në komunikimet diplomatike mes SHBA- së dhe Kosovës. "Partneriteti në mes të Shteteve të Bashkuara dhe Kosovës, mes popullit amerikan dhe atij të Kosovës, nuk depërton përmes një njeriu në Kosovë, apo një partie. Mirëpo, më duhet të them që aktualisht kemi probleme në komunikim me kryeministrin e Kosovës, Albin Kurtin. Dhe jo vetëm SHBA- ja, është problem që e ka Kosova edhe me BE- në, NATO- n, Mbretërinë e Bashkuar dhe më shumë partnerë, përfshirë Shqipërinë dhe Maqedoninë e Veriut", nënvizoi Escobar. Ai ka thënë se komunikimi me Kosovën ka qenë shumë i mirë në të kaluarën dhe shpreson që e njëjta situatë do të jetë edhe në të ardhmen. Escobar e ka konsideruar dialogun mes Kosovës dhe Serbisë - të nisur qysh më 2011, me ndërmjetësim të Bashkimit Evropian - "në një moment kritik". Ai e ka pranuar se Uashingtoni ka probleme në drejtimin e marrëveshjeve të Brukselit dhe asaj të Ohrit "në rrugën e duhur", dhe që sipas perspektivës amerikane, "nuk ekziston asnjë alternativë përveç dialogut". I pyetur për pasojat e mundshme ndaj Kosovës dhe Serbisë për moszbatim të Marrëveshjes së Ohrit, Escobar e ka përmendur ngadalësimin në rrugën e integrimeve evropiane.
Përgjatë bashkëbisedimit,
Escobar ka folur edhe për ndihmën e SHBA- së ndaj Kosovës në proceset euro- atlantike. Sipas diplomatit amerikan, "është e pamundshme të binden vendet mosnjohëse për të ecur përpara me integrimet, nëse Kosova injoron dialogun dhe partnerët evropianë". I pyetur se a kanë ndryshuar politikat amerikane ndaj Kosovës dhe Serbisë, pas nisjes së luftës së Rusisë në Ukrainë - në shkurt të vitit 2022 - Escobar ka thënë se nuk ka ndodhur diçka e tillë. Në këtë drejtim, Escobar ka vlerësuar se është shumë urgjente "të nisim të zgjidhim disa pyetje të hapura në Ballkanin Perëndimor".