Blushi: Korrupsioni i shfrenuar degdisi vendin në varfëri ekstreme
PL përmes sekretarit të përgjithshëm, Tedi Blushi, komentoi arrestimin e krahut të djathtë të ministres Belinda Balluku, Evis Berberit. Blushi shprehet se korrupsioni i Rilindjes ka ulur varfërinë këmbëkryq në vend. Sipas tij, vetëm zhdukja e korrupsionit në Shqipëri mund të kthejë situatën ekonomike në normalitet. “Arrestimi i sotëm i Drejtorit të Autoritetit të ‘ Rrugëve të florinjta’, Evis Berberi me akuzën e korrupsionit, si dhe faktimi në raportin më të fundit të Kontrollit të Lartë të Shtetit të grabitjes dhe shpërdorimit të rreth 6 milion euro nga drejtuesit e Korporatës Elektroenergjetike Shqiptare janë dëshmia më e freskët se qeveria e Edi Ramës është zhytur pa kthim në zhvatjen e pandalshme të taksave të shqiptarëve. Në këtë situatë kaq kritike për shëndetin dhe jetën e pensionistëve, Partia e Lirisë dhe grupi i saj i ekspertëve të saj ekonomikë dhe ligjorë garantojnë rreth 700 mijë pensionistë në mbarë vendin se nesër në pushtet vetëm duke ndalur korrupsionin e shfrenuar dhe skizofrenik të “Rilindjes” do të lëvrohen nga shteti të gjitha fondet e domosdoshme për të ndryshuar rrënjësisht jetën e tyre, me pensione, shërbime dhe trajtim dinjitoz. Do të mjaftonin që 3,3 miliard euro në vit apo 13.2 miliardë euro në 1 mandat 4- vjeçar, të cilat nuk mblidhen dhe administrohen, por vidhen dhe shpërdorohen qëllimisht nga Edi Rama dhe qeveria e “Rilindjes”, të mblidhen dhe të përdoren për rritjen e pagave dhe pensioneve, për ndihma ekonomike, subvencione për fermerët, për investime dhe shërbime dinjitoze sidomos ndaj më të pamundurve, për të ndryshuar rrënjësisht të ardhmen e shqiptarëve, të varfër, më e diskriminuar dhe më e pambështetur!”, - shprehet Blushi.