Ish- kreu i ALUIZNI- t hotel pa leje në Sarandë, 8 zyrtarë në pranga, 3 në kërkim

Prokuroria: 11 zyrtarë nën hetim, pasi lejuan Mariel Muratin të ndërtonte një hotel 7- katësh. Murati dhe 2 të tjerë në arrati

Një hotel luksoz ka çuar në hetim dhe në pranga një numër të madh zyrtarësh në qytetin bregdetar të Sarandës.

Burime nga grupi hetimor bënë me dije ditën e djeshme se Mariel Murati në vitin 2020 kishte marrë leje për rikonstruksionin e një objekti ekzistues, por e kishte rrënuar të gjithin duke ndërtuar pa leje nga fillimi një hotel me 7 kate. Ish- drejtori ka arritur ta legalizojë hotelin dhe e ka vënë në funksion në vitin 2022. Të gjitha këto veprime janë kryer pasi Murati e kishte lënë detyrën e drejtuesit të ALUIZNI- it Sarandë dhe kishte marrë drejtimin e Fondit të Sigurimit të Shëndetësor.

Në fakt, hoteli ishte i njohur edhe më herët nga policia dhe opinioni publik për shkak të sulmeve që iu bënë herë pas here me tritol, por vetëm kohëve të fundit autoritetet kanë konstatuar se hoteli ndër të tjera ishte edhe pa leje. Kështu, hoteli "Yacht" në lagjen nr. 4 të Sarandës u ndërtua pa leje dhe më pas u legalizua e hipotekua në shkelje të ligjit. Është pikërisht ky hotel, që çoi pas hekurave zyrtarë dhe ish- zyrtarë të Inspektoratit të Mbrojtjes së Territorit, Legalizimeve, Kadastrës. Pas një hetimi disamujor, Prokuroria e Sarandës firmosi 11 urdhër- arreste, 8 janë arrestuar dhe tre në kërkim.

PROKURORIA

Në kërkim është shpallur Mariel Murati, pronar i hotelit e njëkohësisht ish- drejtor i Legalizimeve në Sarandë, aktualisht drejtor i Fondit të Sigurimit të Detyrueshëm të Kujdesit Shëndetësor. Po kështu, në kërkim janë dy ish- drejtorët e Agjencisë Shtetërore të Kadastrës në Sarandë, Kozeta Statha dhe Andri Dhima.

Burime nga grupi hetimor bënë me dije ditën e djeshme se Mariel Murati në vitin 2020 kishte marrë leje për rikonstruksionin e një objekti ekzistues, por e kishte rrënuar të gjithin duke ndërtuar pa leje nga fillimi një hotel me 7 kate. Ish- drejtori ka arritur ta legalizojë hotelin dhe e ka vënë në funksion në vitin 2022. Të gjitha këto veprime janë kryer pasi Murati e kishte lënë detyrën e drejtuesit të ALUIZNI- it Sarandë dhe kishte marrë drejtimin e Fondit të Sigurimit të Shëndetësor. Ky hotel ka qenë dy herë objekt i vendosjes së sasive të eksplozivit, përkatësisht në 9 shkurt 2021 dhe 29 qershor 2022, ngjarje ende të pazbardhura. Për ndërtimin pa leje, Prokuroria e Sarandës ka kërkuar arrestimin e 11 zyrtarëve për veprat penale "Shpërdorim i detyrës" dhe "Ndërtim i paligjshëm". Policia ka ekzekutuar deri më tani 8 urdhër- arreste, duke çuar në burg 2 inxhinierët e Kadastrës, Ermen Stroka, Erald Lika. Inspektorët Vendorë të Mbrojtjes së Territorit, ( IMVT) Viktor Qesari, Tonin Simoni dhe Oltion Durmishi si dhe ish- inspektori i IKMT- së në Vlorë Denis Balili. Ndërsa inspektoret Ina Papa e Manushaqe Saliko janë lënë në arrest shtëpie, pasi janë nëna me fëmijë të mitur.