Takimi i shumëpritur Escobar- Kurti zbut qëndrimet mes palëve

Emisari amerikan: SHBA- të mbeten partneret më e besueshme të Kosovës

Ashtu siç ishte njoftuar më parë, i dërguari I Shteteve të Bashkuara për Ballkanin Perëndimor, Gabriel Escobar, ka mbërritur në Kosovë ditën e djeshme ku është pritur nga presidentja Vjosa Osmani.

Pas takimit mes të dërguarit të SHBA- ve për Ballkanin Perëndimor, Gabriel Escobar dhe kryeministrit të Kosovës, Albin Kurti, duket se ka një zbutje të qëndrimeve mes palëve. Escobar tha se ka pasur një bisedë të mirë dhe të hapur me Kurtin, sa i përket çështjes së dinarit. Pas takimit të mbajtur në Qeverinë e Kosovës, emisari amerikan deklaroi për mediat se kryeministri kosovar i ka premtuar se do të shqyrtojë disa prej propozimeve të tij, që kanë të bëjnë me çështjen e ndalimit të përdorimit të dinarit serb. Ai tha se askush nuk mund të preket kur dëgjon se si pjesa më e cenueshme e shoqërisë nga komuniteti serb nga rregullorja e Bankës Qendrore të Kosovës, që parasheh euron si valutën e vetme për kryerjen e pagesave në Kosovë. "Kryeministri e pranoi këtë dhe premtoi se do të shikonte disa nga propozimet që ia paraqita", - tha Escobar. Emisari amerikan u shpreh se SHBA- të mbeten partneret më të besueshme dhe më të angazhuara për Kosovën, por sipas tij, çështja e dinarit paraqet sfida në raportet me Kosovën. "Të jem i sinqertë, këto sfida janë për shkak të trajtimit që po i bëhet minoritetit serb. Është për keqardhje që duhet të kalojmë nëpër këtë situatë, por rregullorja e BQK- së për dinarin ka shkaktuar probleme për disa prej qytetarëve e këtij shteti dhe jemi shumë të shqetësuar. Ne do të vazhdojmë të punojmë për këtë çështje, por mendoj se është një çështje urgjente humanitare, të cilën duhet ta adresojmë menjëherë", - tha Escobar. Emisari amerikan nisi vizitën e tij në Kosovë ditën e mërkurë, kur u takua me Presidenten

Shteti serb ndan miliona euro për serbët në Kosovë, pasi ua paguan atyre në dinarë - përmes një sistemi paralel - rrogat, pensionet dhe ndihmën shtesë. Vendimi për rregulloren e BQK- së është kritikuar nga SHBA- të dhe Bashkimi Evropian, që kanë argumentuar se ai është marrë pa konsultime paraprake dhe pa marrë për bazë ndikimet negative te popullata serbe që jeton në Kosovë.

Vjosa Osmani, me krerët e partive opozitare dhe me përfaqësuesit politikë të serbëve në Kosovë. Pas takimit me Osmanin, ai u bëri thirrje Kosovës dhe Serbisë që të zbatojnë të gjitha marrëveshjet e arritura në dialog. Ndërkaq, pas takimit të tyre me emisarin amerikan, disa politikanë serbë u shprehën të "inkurajuar" me qasjen e SHBA- ve ndaj disa vendimeve të fundit të Qeverisë së Kosovës dhe thanë se kanë marrë garanci nga ai për zgjidhje "në favor të komunitetit serb". Para nisjes së vizitës në Kosovë, Escobar deklaroi se zbatimi i vendimit i autoriteteve të Kosovës për të ndaluar përdorimin e dinarit serb ishte "jokompetent" dhe "katastrofik". Rregullorja e Bankës Qendrore të Kosovës, që ka hyrë në fuqi më 1 shkurt, parasheh euron si valutën e vetme për pagesa në Kosovë. Shteti serb ndan miliona euro për serbët në Kosovë, pasi ua paguan atyre në dinarë - përmes një sistemi paralel - rrogat, pensionet dhe ndihmën shtesë. Vendimi për rregulloren e BQK- së është kritikuar nga SHBA- të dhe

Bashkimi Evropian, që kanë argumentuar se ai është marrë pa konsultime paraprake dhe pa marrë për bazë ndikimet negative te popullata serbe që jeton në Kosovë. Uashingtoni ka kërkuar që Kosova të shtyjë zbatimin e vendimit, ndërkaq BE- ja ka kërkuar që për këtë çështje të gjendet një zgjidhje në kuadër të dialogut në Bruksel mes Kosovës dhe Serbisë, që ndërmjetësohet nga blloku evropian. Bashkimi Evropian ka thirrur një takim të dialogut për normalizimin e raporteve mes Kosovës dhe

Serbisë në nivel të kryenegociatorëve. Më 19 mars pritet që të takohet kryenegociatori i Kosovës, Besnik Bislimi dhe ai i Serbisë, Petar Petkoviç. Këtë takim e konfirmoi edhe i dërguari i Shteteve të Bashkuara për Ballkanin Perëndimor, Gabriel Escobar. Pas një takimi me kryeministrin e Kosovës, Albin Kurtin, emisari amerikan tha se pret që Qeveria e Kosovës të jetë fleksibël në këtë takim. "Duhet të pranoj se marrëdhëniet tona kanë disa sfida tani për shkak

të trajtimit të minoritetit serb në Kosovë. Është çështje emergjente humanitare që duhet adresuar menjëherë. Shpresoj që qeveria të jetë fleksible në këto diskutime në dialog të martën, ndërkohë e kam përgëzuar kryeministrin për vendimin që ka marrë për Deçanin. Ishte vendim i vështirë, por i duhuri", - ka thënë Escobar. Po ashtu, ai theksoi se ka dëgjuar rrëfimet e qytetarëve serbë të Kosovës, për sfidat me të cilat po përballen nga Rregullorja e re e BQK- së.