Aferat, Dumani: S'ka forcë që na ndal para presioneve dhe kërcënimeve!
Pas arrestimit të "krahut të djathtë" të Ballukut, paralajmërimi i Altin Dumanit: Nuk do të kursejmë askënd!
Policia e Vlorës dhe grupi hetimor kanë marrë në duar arsenalin e armëve që iu gjetën një të riu në zonën e Babicës së Madhe.
"Më shqetëson kërcënimi nga krimi i organizuar, jo kërcënimi nga politika. Ne kemi bërë llogari edhe që të mos kthehemi, sepse kjo është detyra jonë, të hetojmë. Prokurorët janë imunë, janë të gjithë të përgatitur që t'i përballojnë këto situata, por në fund të fundit e kemi zgjedhur vetë këtë detyrë".
Kreu i SPAK, Altin Dumani, mori dje pjesë në takimin e parë të nismës më të re të dialogut mes institucioneve dhe aktorëve të politikëbërjes, "IDM Morning Briefing". Në takimin pa praninë e kamerave, Dumani mësohet të jetë shprehur se SPAK po vijon punën për hetimin e zyrtarëve të lartë të korruptuar dhe krimit të organizuar. I pyetur nga pjesëmarrësit në takim se deri ku do të shkojë SPAK në kupolën e zyrtarëve të lartë, Dumani u përgjigj: "Nuk do kursejmë askënd". "Për vitet e ardhshme duhet të besojmë që kemi një institucion të konsoliduar me hetime dhe vendime ndaj të gjitha niveleve. Është e vështirë, por jo e pamundur. Rezultatet na stimulojnë dhe na nxisin që të punojmë akoma më shumë", - tha kreu i trupës së prokurorëve të posaçëm. Kjo deklaratë vjen një ditë pas arrestimit të drejtorit të ARRSH- së, Evis Berberi, i akuzuar për korrupsion dhe pastrim parash, ndërkohë që edhe roli i vetë ministres më të rëndësishme të qeverisë "Rama" është nën hetim. Më pas Dumani u ndal te lufta ndaj krimit të organizuar, kërcënimet e të cilit përbëjnë shqetësim, por sipas tij, anëtarët e SPAK janë të gjithë të përgatitur që t'i përballojnë këto situata. Sipas Dumanit, familja e një prokurori është kërcënuar nga krimi i organizuar, ndërsa thekson se detyra e tyre është që të hetojnë dhe të mos kthehen pas. Ai shprehet se prokurorët janë të përgatitur për t'i përballuar të gjitha këto situata. "Krimi i organizuar ka kërcënuar familjen e një prokurori. Më shqetëson kërcënimi nga krimi i organizuar, jo kërcënimi nga politika. Ne kemi bërë llogari edhe që të mos kthehemi, sepse kjo është detyra jonë të hetojmë. Prokurorët janë imunë, janë të gjithë të përgatitur që t'i përballojnë këto situata, por në fund të fundit e kemi zgjedhur vetë këtë detyrë", - ka thënë Dumani. Kreu i SPAK, Altin Dumani, mori pjesë në takimin e parë të nismës më të re të dialogut mes institucioneve dhe aktorëve të politikëbërjes, "IDM Morning Briefing".
TATIMET DHE DOGANAT
Kreu i SPAK, Altin Dumani, ngriti një shqetësim sa u takon dy institucioneve të rëndësishme, siç janë Tatimet dhe Doganat. Sipas tij, nga këto dy institucione nuk është bërë asnjë kallëzim, duke shtruar pyetjen "a ka korrupsion aty apo jo?". Dumani shprehet se janë rreth 67 procedime që i përkasin korrupsionit, abuzimit me prokurorimet, por thekson se, "ne nuk jemi shkopi magjik që të kontrollojmë çdo gjë. Çdo institucion ka bilbilfryrës, audite, mekanizma dhe nuk referojnë". "Ka një rënie prej 40 për qind të kallëzimeve nga institucionet. Tatimet zero kallëzime, doganat zero. A ka apo jo korrupsion aty? Vetëm KLSH- ja herë pas here depoziton kallëzime në Prokurorinë e Posaçme, patjetër Policia e Shtetit që po…, por detyra e çdo institucioni është të luftojë korrupsionin. Gjatë 2023 kemi regjistruar kallëzime sa për tri vite se bashku, duke qenë të vëmendshëm ndaj raportimeve në media, kryejmë verifikimet tona dhe nga denoncimet që bëjnë politikanë të ndryshëm në media kemi regjistruar rreth 67 procedime dhe u përkasin korrupsionit, abuzimit me prokurorimet. Për të qenë të ndërgjegjshëm, duhet të bëjmë të gjithë, por ne nuk jemi shkopi magjik që të kontrollojmë çdo gjë. Çdo institucion ka bilbil- fryrës, audite, mekanizma dhe nuk referojnë", - tha kreu i SPAK, Altin Dumani. Deklaratat e kreut të SPAK, Altin Dumani, janë bërë në konferencën "IDM Morning Briefing". Kreu i Prokurorisë së Posaçme deklaroi se Tatimet dhe Doganat nuk bëjnë asnjë kallëzim mbi raste korruptive, edhe pse i kanë të gjitha mekanizmat për ta bërë një gjë të tillë. Dumani u shpreh se detyra e çdo institucioni është të luftojë korrupsionin, ndërsa shtoi se vetëm KLSH herë pas here depoziton kallëzime në Prokurorinë e
Posaçme. "Auditet e Tatimeve dhe Doganave nuk kanë bërë asnjë kallëzim për korrupsion brenda këtyre institucioneve. A ka apo jo korrupsion aty? Patjetër që ka! Ku janë auditimet dhe kontrollet e brendshme? Ndërkaq, edhe nga institucionet e tjera numri i kallëzimeve ka rënë ndjeshëm. Vetëm KLSH dhe Policia e
Shtetit herë pas here depozitojnë kallëzime në Prokurorinë e Posaçme, por detyra e çdo institucioni është të luftojë korrupsionin. Në këtë situatë, SPAK ka nisur me iniciativën e vet një numër të lartë hetimesh", - është shprehur Dumani.