Përgjaken rrugët e vendit, 4 persona humbi jetën, dy nisen drejt Traumës
Shpejtësia e madhe dhe lagështira për shkak të reshjeve të shiut janë bërë mbrëmë burim i një aksidenti fatal në Tepelenë. Katër persona humbën jetën ndërsa disa të tjerë u plagosen. Të plagosurit u nisën në drejtim të spitalit të Gjirokastrës, por dy prej tyre, që sipas të dhënave ishin në gjendje të rënduar janë transportuar menjëherë në drejtim të Traumës në Tiranë. Policia pasi ka shkuar në vendin e ngjarjes, ka bërë të mundur të zbardh edhe mekanizmin se si ka ndodhur përplasja fatale, ndërkohë që u deshën orë që të zbardheshin emrat e viktimave. Sipas të dhënave paraprake policore, bëhet me dije se tri automjete janë përfshirë në një aksident në ‘ bypass’- in e Tepelenës poshtë kalasë së këtij qyteti, ku raportohet se kanë humbur jetën katër persona, ndërkohë që në aksident janë përfshirë disa shtetas. Siç shihet edhe nga pamjet që vuri në dispozicion policia e Gjirokastrës, automjetet janë shkatërruar pothuajse plotësisht. Disa persona mbetën të bllokuar në makina dhe u desh ndërhyrja e forcave zjarrfikëse që të nxirreshin, më pas dy persona sipas policisë janë dërguar në spital. Të plagosurit janë transportuar për në spitalin e Gjirokastrës për të marrë ndihmën mjekësore. Mësohet se ka qenë drejtuesi i automjetit “Benz”, ai që ka humbur kontrollin duke dalë në korsinë e kundërt dhe duke u përplasur me automjetin “Toyota Yaris”. Në aksident është përfshirë edhe drejtuesi i mjetit “BMW” që ndodhej pas tij.
POLICIA PAS NGJARJES
“Rreth orës 19: 00, në aksin rrugor TepelenëMemaliaj, automjeti tip ‘ Benz’ me drejtues shtetasin R. R., 42 vjeç, banues në Luftinjë, është përplasur me automjeti tip ‘ Toyota’ me drejtues shtetasin L. B., 62 vjeç, banues në Memaliaj. Në aksident është përfshirë edhe automjeti tip ‘ BMW’ me drejtues shtetasin E. P., banues në Gjirokastër, që qarkullonte pas automjetit tip “Toyota”. Si pasojë e përplasjes së automjeteve kanë humbur jetën shtetasit R. R. dhe L. B., si dhe 2 pasagjeret që ndodheshin në automjetin tip “Toyota”, shtetaset L. B., rreth 57 vjeçe ( bashkëshortja e shtetasit L. B.) dhe A. B., rreth 85 vjeçe. Gjithashtu j anë dëmtuar shtetasit L. M. dhe J. M., të cilët po marrin ndihmë mjekësore në Spitalin Rajonal Gjirokastër. Shtetasi E. P. dhe 2 pasagjerët në automjetin e tij janë dëmtuar lehtë. Grupi hetimor vijon punon për sqarimin e rrethanave të aksidentit”, - policia sqaroi rrethanat rreth tri orë pas ngjarjes. rreth 60 vjeç 61 vjeç