Tatimet: 3100 subjekte të çregjistruara nga sistemi tatimor përgjatë 2023- it

Mospërmbushja e detyrimeve ligjore nga tatimpaguesit, një ndër shkaktarët kryesorë

Gjendja e tatimpaguesve të çregjistruar progresive në Sistemin e Ri Tatimor në fund të vitit 2023 rezulton 69,600 tatimpagues.

Sipas të dhënave nga Drejtoria e Përgjithshme e Tatimeve, për vitin 2023 u finalizuan të çregjistruar në Regjistrin Kombëtar të DPT, 3100 tatimpagues të cilët përmbushën dhe detyrimet ligjore. Procesi i çregjistrimit të tatimpaguesit finalizohet në Drejtoritë Rajonale Tatimore përkatëse. Certifikatat e çregjistrimit ( kopje) të lëshuara nga Qendra Kombëtare e Biznesit aktualisht dërgohen direkt në DRT përkatëse në bazë të marrëveshjes që është rënë dakord me QKB, pasi aty do të kryhen dhe veprimet konkrete për çregjistrimin e tatimpaguesit edhe nga Regjistri i tatimpaguesve të DRT. Edhe në vitin 2023 çregjistrimi i tatimpaguesve bazuar nga problemet e dërguara nga DRT në rrethe në disa raste ka pasur vështirësi, pasi finalizimi i çregjistrimit nuk mund të realizohet nga punonjësit. Kjo vjen edhe si rezultat i mospërmbushjes së kushteve ligjore nga ana e tatimpaguesve, duke mos paguar të gjitha detyrimet dhe dorëzuar të gjitha deklaratat tatimore. Një tjetër faktor që ndikon është dhe mosveprimi i punonjësve të Kontrollit për të vlerësuar deklaratat dhe llogarinë përkatëse të tatimpaguesit në kohën e duhur dhe i mosmiratimit të çregjistrimit nga ana e tyre, për të cilat pengojnë çregjistrimin e tij. Në disa raste të tjera finalizimi i çregjistrimit nuk mund të realizohet për shkak të moslejimit të çregjistrimit të tatimpaguesit, kur ai nuk ka paraqitur dokumentacionin mbi vendin e biznesit, nëse e ka me qira apo jo dhe i kërkohet pas çregjistrimit nga QKB. TATIMPAGUESIT

AKTIVË

Gjatë vitit 2023, sipas të dhënave të transmetuara nga QKB rezulton se numri i tatimpaguesve aktive është 127,698 tatimpagues gjithsej. Rezultojnë 4,358 tatimpagues aktivë më shumë se më 2022. Sipas kategorizimit të tatimpaguesve, ( bazuar nivelit të qarkullimit të realizuar dhe vetëdeklaruar) në fund të vitit rezultojnë 93,709 tatimpagues të regjistruar në biznes të vogël, 31,222 tatimpagues në biznes të madh dhe 2,767 të tjerë që janë objekt vetëm i tatimeve të tjera. Në shifrën gjithsej të tatimpaguesve aktive, rezultojnë të regjistruar në përgjegjësinë tatimore TVSH 34,767 tatimpagues në fund të vitit 2023, nga të cilët 9,450 janë tatimpagues të biznesit të vogël. Gjatë vitit 2023 u regjistruan si tatimpagues të rinj për herë të parë 18,777, ku rezulton 604 tatimpagues më shumë se viti 2022. Në numrin e tatimpaguesve aktivë nuk janë përfshirë 96,835 fermerë/ prodhues bujqësorë, të cilët nuk kanë përgjegjësi tatimore. Vetëm në vitin 2023 u regjistruan nga DRT në rrethe 12,995 fermerë. Realizimi i funksionit të regjistrimit të subjekteve të reja është kryer nëpërmjet regjistrimeve në QKB nëpërmjet regjistrimeve të bizneseve të reja dhe regjistrimit të tatimpaguesve të kategorisë OJF- ve, ambulantë, fermerë etj., që kryen nga Drejtoritë Rajonale. Vlen për t'u theksuar se procesi i transmetimit dhe procesimit të të dhënave për regjistrimet e reja nga QKB ne DPT për vitin 2023 ka ecur normalisht, pavarësisht disa problemeve që janë paraqitur nga

QKB me rastin e kalimit të regjistrimit ' online' të tatimpaguesve. Gjatë monitorimit të punës së përditshme, rezulton se gjatë vitit 2023 nga sektori i regjistrimit është bërë një punë e vazhdueshme mbikëqyrëse dhe operacionale për realizimin e mirëmbajtjes dhe azhurnimit të Regjistrit Kombëtar të Tatimpaguesve. Gjithashtu, përveç të dhënave të mësipërme, ekziston dhe regjistri i individëve, të cilët kanë detyrimin për të dorëzuar deklaratën DIVA, ku në fund të 2023 numri i individëve të këtij regjistri është 106,208 persona.

Gjatë vitit 2023, sipas të dhënave të transmetuara nga QKB rezulton se numri i tatimpaguesve aktive është 127,698 tatimpagues gjithsej. Rezultojnë 4,358 tatimpagues aktivë më shumë se më 2022. Sipas kategorizimit të tatimpaguesve, ( bazuar nivelit të qarkullimit të realizuar dhe vetëdeklaruar) në fund të vitit rezultojnë 93,709 tatimpagues të regjistruar në biznes të vogël, 31,222 tatimpagues në biznes të madh dhe 2,767 të tjerë që janë objekt vetëm i tatimeve të tjera.