Interi me këmbën te frenat, po e tradhton... sulmi
Lautaro dhe Turam nuk po bindin, kanë ulur "xhirot"
Asgjë nuk mund të krahasohet me shpërdorimet e shumta në Champions nga ana e Markus Turamit apo me penalltinë që Lautaro çoi në qiell duke u bërë meme në rrjetet sociale, por edhe në kampionat dyshja e sulmit të Interit nuk është në vete... Sikur energjia negative e mbrëmjes së Madridit ishte ende prezente në dyshen më të mirë të kampionatit. Është një forcë e padukshme, por është e kotë që të gënjejmë. Ajo ekziston dhe është reale. Edhe për faktin se zhgënjimi për eliminimin e së mërkurës ishte i madh. Diçka proporcionale me bindjen që kishte Interi për të shkuar deri në fund të rrugëtimit Europian. Një bindje që lindte edhe nga dyshja e sulmit që në u rikthye të luante bashkë në "Metropolitano" dhe nuk ia dolën dot të linin gjurmë as kundër Napolit. Në këtë ndeshje nuk kishte aq shumë raste, por si argjentinasi ashtu edhe francezi mund të bënin diçka më shumë. Ndoshta në një tjetër moment të sezonit do ta kishin nxjerrë skuadrën nga një situatë e sikletshme, por dueli kundër Napolit nuk ishte aq ndryshe nga ai me Xhenoan. Ka vërtetuar një rënie fizike të të gjithë grupit. Është diçka fiziologjike, por edhe psikologjike duke parë
eliminimin në Champions. Lautaro pati shansin më të mirë të ndeshjes, por goditi Meretin, ndërsa Lautaro nuk shënjestroi asnjëherë portën. Gaboi madje shumë duke lëvizur shpesh dhe pa kuptim. "Tu- La" nuk është ajo e fillimit të sezonit.
Në rënie- Dy sulmuesit e Inzagit janë një metaforë e të gjithë skuadrës: ata ekzaltojnë virtytet, janë fotografia e gjendjes shpirtërore. Në fund, ajo energji negative e Madridit kishte përfshirë të gjithë skuadrën. Nga tribuna nuk erdhi energjia dhe shtysa e tifozëve si gjithmonë, sidomos në pjesën e parë. Në fakt autobusi i skuadrës u prit nga mijëra tifozë jashtë. Skuadra nuk ishte e saktë dhe me grintë si gjithmonë. Goli i Darmianit duhet të shërbente për të rikthyer qetësinë dhe pozitivi
tetin në skuadër. Pas golit, Lautaro kërkoi mbështetjen e tifozëve duke ngritur krahët. Edhe kur "San Siro" u ndez, skuadra nuk ia doli. Tula vazhdon të ulë ritmin dhe mesataren. Lautaro ka arritur të shënojë 23 gola në Serinë A dhe titulli i golashënuesit është blinduar, por nuk atij i mungon goli prej 20 ditësh: 3 ndeshje në thatësirë. Vetëm një herë tjetër në këtë sezon i ka ndodhur kjo "mini krizë". Për shkak të dëmtimit, për të gjetur një gol të Turamit duhet të rikthehemi akoma më mbrapa. Goli i fundit i tij është më 16 shkurt kundër Salernitanës. Por nuk ka vend për panik. Ylli është aty, me të njëjtën distancë. Duhet thjesht të fshijnë sytë nga ndonjë lot i mbetur nga mbrëmja e Madridit për ta parë më qartë dhe për ta prekur atë.