SPAK bllokon celularët dhe dokumentet e vartësve të kreut të Tatimeve, Ceno Klosi

Klosi në hetim, resorti me xhiro 600 mln lekë iu shit vëllait për 25000 lekë Prokuroria e Posaçme po e heton Ceno Klosin për konsumim të 4 veprave penale. Në sitë, të gjitha vendimmarrjet e titullarit

Prokuroria e Posaçme kundër Korrupsionit dhe Krimit të Organizuar ( SPAK) ka nisur hetimet ndaj drejtorit të përgjithshëm të Tatimeve, Ceno Klosi.

Burime të “Panorama. al” bëjnë të ditur se SPAK ka sekuestruar edhe celularët e disa prej vartësve të tij. Po ashtu, mësohet se SPAK po heton kreun e Tatimeve, Ceno Klosi, pas dy kallëzimeve të Gazmend Bardhit të regjistruar në korrik dhe dhjetor 2023. Dy kallëzimet ndaj Ceno Klosit janë bashkuar në një procedim të vetëm. Ndërkohë, në kuadër të hetimeve, celularët e sekuestruar do të ekspertohen dhe do të shihen të gjitha komunikimet, ku në fokus do të jenë të gjithë bisedat që vartësit mund të kenë zhvilluar me kreun e Tatimeve, Ceno Klosi. Po ashtu, SPAK ka shkuar edhe te Drejtoria e Përgjithshëm e Tatimeve, ku ka sekuestruar dokumente që lidhen me vendimmarrjet e Ceno Klosi.

HETIMI

Zyrtari i lartë i Tatimeve, Ceno Klosi, po hetohet për veprat penale të “korrupsionit”, “shpërdorimit të detyrës”, “mashtrimit” dhe “falsifikimit të dokumenteve”. Prokuroria e Posaçme konfirmoi përmes një shkrese zyrtare për “News 24” se hetimet ndaj kryetatimorit Klosi u regjistruan mbi bazën e dy kallëzimeve të bëra nga Partia Demokratike. “Mbi bazën e kallëzimit penal të dërguar nga grupi parlamentar i subjektit politik Partia Demokratike, Prokuroria e Posaçme Kundër Korrupsionit dhe Krimit të Organizuar ka regjistruar Procedimin Penal Nr. 259/ 2023 datë 13.12.2023, për veprat penale ‘ Korrupsioni pasiv i personave që ushtrojnë funksione publike’, ‘ Shpërdorimi i detyrës’, ‘ Falsifikim i dokumenteve’ dhe ‘ Mashtrimi’”, - njoftoi prokuroria. Sikurse rezulton nga të dhënat zyrtare të institucionit të akuzës, 6 muaj para kallëzimit të parë, opozita ka depozituar një tjetër kallëzim ndaj drejtorit të Përgjithshëm të Tatimeve, Klosi. “Për të njëjtin fakt Prokuroria e Posaçme Kundër Korrupsionit dhe Krimit të Organizuar ka regjistruar Procedimin Penal Nr. 83/ 2023 datë 03.07.2023, mbi bazën e kallëzimit penal të dërguar gjithashtu nga subjekti politik Partia Demokratike e Shqipërisë, për veprat penale ‘ Shpërdorim i detyrës’, ‘ Falsifikim i dokumenteve’ dhe ‘ Mashtrimi’. SPAK ka vendosur bashkimi e dy procedimeve në një të vetëm. Klosi, i cili në krye të Tatimeve, iu bindet me shumë urdhrave politikë, sesa ligjit, duke ndëshkuar padrejtësisht bizneset, ka punuar për 13 vite si specialist dhe drejtues sektorësh në banka të nivelit të dytë dhe më pas gjatë periudhës 20152021 ka mbajtur pozicionin si drejtor i Departamentit Ekonomik në OSHEE. Në qershor të 2021 u emërua drejtor i përgjithshëm i Agjencisë Kombëtare Ujësjellës- Kanalizime dhe Mbetjeve të ngurta, ndërsa me VKM 625, datë 22.10.2021 u emërua drejtor i përgjithshëm i Tatimeve.

RESTORANTI LUKSOZ TE LIQENI

Emisioni “Vetting” zbuloi pak ditë më parë shkelje të kryetatimorit, Ceno Klosi, i cili punësoi si këshilltar, njeriun që rezulton se i ka dhuruar vëllait të tij një restorant luksoz te Kodrat e Liqenit. Konkretisht, sipas dokumenteve rezulton se Mikel Lesaj i dhuroi Gent Klosit kompaninë që xhiron 600 mijë euro në vit. Në bazë të dokumentacionit, Ceno Klosi dhe vëllai i tij, kanë dy biznese, lokalin “Tom Tom” në Bllok dhe një restorant luksoz “Vila Feliz” të kodrat e Liqenit. Për vitin 2021 dhe 2022, restoranti pati xhiro 800 milionë lekë. Nga investigimi i emisionit “Vetting” në “News 24”, rezulton se në vitin 2019 dy aksionerët V. M. dhe O. T. themelojnë kompaninë “T. O. V. 2019”. Në vitin 2019, V. M. ia shet aksionet Mikel Lesajt dhe E. A. Ky i fundit ia shet aksionet Genti Klosit për 25 mijë lekë. Ndërkohë, Mikel Lesaj dhe O. T. ia dhurojnë aksionet Genti Klosit. Kjo zemërgjerësi e gradon Mikel Lesajn, këshilltar të Ceno Klosit, vëllait të Genti Klosit. KLSH ka kërkuar shkarkimin e Ceno Klosit kur ishte në krye të Agjencisë së Ujësjellës kanalizimeve dhe të OSHEE- së, por në vend që të shkarkohej sipas rekomandimeve të KESH, qeveria aktuale e ka ngritur në detyrë.

RAPORTI I KLSH- SË

Një raport i detajuar i Kontrollit të Lartë të Shtetit mbi punën e Tatimeve për vitin 2022, nxori në pah dështimet e Drejtorit të Përgjithshëm, Ceno Klosi në krye të administratës tatimore. Sipas KLSH, borxhi tatimor u rrit gjatë vitit të shkuar arriti në vlerën e frikshme prej 146,7 miliardë lekësh ose rreth 1,4 miliardë euro edhe pse numri i bizneseve debitore u ul me 10 mijë subjekte. Në vetëm një vit borxhi tatimor u rrit me plot 110 milionë euro.

Nën drejtimin e Cenon

Klosit, Tatimet kanë një mos realizim të planit prej rreth 90 milionë eurosh, edhe pse buxheti u rishikua disa herë. Ndër të tjera KLSH evidenton faktin se tatimet që drejtohen si repart ushtarak nga Ceno Klosi kanë lëshuar dorën për sa i përket rimbursimit të TVSH vitin që shkoi, duke shpërndarë rreth 4 miliardë lekë ose, 38 milionë euro më shumë se plan i rimbursimit. Këto veprime thotë Kontrolli i Lartë i Shtetit janë në kundërshtim me ligjin për procedurat tatimore në Shqipëri dhe të ligjit për buxhetin e vitit 2022. Po te rimbursimi i TVSH, KLSH ka zbuluar se Drejtoria e këtij sektori në varësi direkte të Ceno Klosit, nëpërmjet ‘ email’- it të datës 07. shkurt 2023, ka raportuar gjendjen e stokut të rimbursimit në shumën 0 lekë, në Drejtorinë e Kontabilitetit dhe Statistikës, për datën 31 dhjetor 2022.

Por në të vërtetë audituesit kanë konstatuar se rezultojnë 32 kërkesa për rimbursimin e TVSH- së të pranuara, por të pa miratuara në vlerën totale për 1,8 miliardë lekë, të cilat megjithëse ka kaluar afati maksimal prej 60 ditëve nga data e paraqitjes së tyre nuk janë rimbursuar. Nga auditimi konstatohet se realizimi i kontrolleve të planifikuara për vitin 2022 është në masën 57.5 %, me një mosrealizim të planit të kontrolleve për vitin 2022 në masën 42.5 %. Neës24 disponon raportin e plotë prej 400 faqesh të KLSH me vargun e shkeljeve të tatimeve të Ceno Klosit, dhe do të zbardhë pjesë të tij në ditët në vazhdim.