Thirrja, ambasada amerikane: Bëni drejtësi të pavarur!
“Rëndësia e gjyqësorit të pavarur dhe reforma në drejtësi”, ambasada zbardh detaje nga takimi mes Ramës dhe Ndihmëssekretarit Todd Robinson
Ndihmëssekretari i Shtetit për Byronë Ndërkombëtare të Narkotikëve dhe Çështjeve të Zbatimit të Ligjit, Todd D. Robinson, zhvilloi dje një takim edhe me kryeministrin Edi Rama.
Gjatë takimit u nënvizua rëndësia e forcimit të shtetit të së drejtës, rëndësia e një gjyqësori të pavarur dhe çuarja përpara e reformës në drejtësi. “Ndihmëssekretari Todd Robinson u takua me kryeministrin Edi Rama për të nënvizuar bashkëpunimin e fortë mes Shteteve të Bashkuara dhe Shqipërisë dhe diskutoi mbi rëndësinë kritike të forcimit të shtetit të së drejtës, rëndësinë e një gjyqësori të pavarur dhe çuarjen përpara të reformës në drejtësi”, - shkruan ambasada. Ndihmëssekretari i Shtetit për Çështjet Ndërkombëtare të Narkotikëve dhe të Zbatimit të Ligjit, Todd Robinson, serinë e takimeve e nisi në godinën e SPAK me kreun e Prokurorisë së Posaçme, Altin Dumani. Ambasada amerikane tha se sekretari Todd Robinson mori pjesë në një pritje me gjyqtarë, prokurorë, hetues shqiptarë dhe drejtues të agjencive ligjzbatuese në Shqipëri. Sekretari Robinson theksin e vendosi te transparenca, si dhe dhënien fund pandëshkueshmërisë. Kujtojmë se vizita e Ndihmëssekretarit të Shtetit për Byronë Ndërkombëtare të Narkotikëve dhe Çështjeve të Zbatimit të Ligjit, Todd D. Robinson vjen pas vizitës së Sekretarit amerikan të Shtetit, Antony Blinken.
UNIONI
Presidentja e Komisionit Evropian, Ursula von der Leyen, paraqiti dje propozimin për heqjen e unanimitetit në votimin për pranimin në BE të shteteve të reja, duke e zëvendësuar atë me votimin me shumicës të cilësuar. Në këtë mënyrë, Brukseli do të lehtësojë procedurat e pranimit në BE për Ukrainën, Moldavinë dhe shtetet e
Ballkanit Perëndimor. Brukseli propozoi heqjen e unanimitetit që pengon vendimet mbi politikën e jashtme për të shmangur bllokimet e ardhshme nga shtetet anëtare për çështje dypalëshe. Kjo vendimmarrje do të zhbllokonte edhe situatën aktuale me Shqipërinë e bllokuar nga Greqia dhe Maqedoninë e Veriut e bllokuar nga Bullgaria. Von Der Leyen këmbënguli se heqja e unanim
itetit nuk kërkon ndryshim të traktateve të BE- së. Pavarësisht kësaj lëvizjeje që vjen në prag të zgjedhjeve evropiane, shumica e liderëve të BE- së kanë paralajmëruar tashmë se një familje me më shumë se 30 anëtarë, do të jetë edhe më i vështirë për t’u qeverisur. Po dje ambasadori i BE- së, Silvio Gonzato raportouë në Bruksel në Komisionin e Jashtëm të PE rreth situatës aktuale poli
tike në Shqipëri. Eurodeputetët kanë vlerësuar përpjekjet e ambasadorit të BEsë në Tiranë që të gjendet një zgjidhje politike afatgjatë për Shqipërinë në kushtet kur politika shqiptare mbetet e polarizuar. Gjatë diskutimit të fundit për vendin tonë eurodeputetët theksuan rëndësinë e përfshirjes së të gjithë zërave nga opozita në procesin e reformës zgjedhore për të siguruar
një qasje gjithëpërfshirëse. Ambasadori Gonzato ka mirëpritur vendimin mes mazhorancës dhe opozitës që bën të mundur rifillimin e funksionimit normal të parlamentit. Bashkimi Evropian ka theksuar vazhdimisht se një parlament funksional është çelësi për procesin e integrimit në BE. Gonzato ka vlerësuar lidershipin politik dhe përgjegjësinë e treguar nga palët në arritjen e mar
rëveshjes. Ata kanë vlerësuar përkrahjen që ka dhënë vendi ynë për bashkëpunimin rajonal. Aktualisht vendimmarrja për hapjen e kapitujve të parë të negociatave mbetet e bllokuar për shkak të vetos greke. Për çështjen Beleri të ngritur nga eurodeputetët grekë kanë marrë përgjigje nga Tirana zyrtare se kjo nuk është çështje evropiane, por e drejtësisë së pavarur.