Atentatinëlarushk, në pranga dydjem nga Miloti, njëri dyshohet si autor

Policia e Tiranës dha detaje për dinamikën e ngjarjes së 15 marsit, një mjet “Golf 7” dyshohet se lëvizi vrasësit e ish- policit Bejtja

Policia e Tiranës ka bërë me dije dje se ka zbardhur dinamikën e vrasjes së Gentjan Bejtjas, ngjarje e ndodhur pasditen e 15 marsit.

Atentati i tipit mafioz ndodhi në shtëpinë e tij, në fshatin Larushk të FushëKrujës. Me anë të një njoftimi zyrtar, policia bëri me dije se ka vënë në pranga autorin e dyshuar të ekzekutimit të ishefektivit. Sipas tyre, është arrestuar për vrasjen shtetasi me 3 mbiemra Ilir Beqaraj ( alias Brahimi, alias Mançellari) si autor i dyshuar i krimit, ndërsa është ndaluar Edison Haxhiu, i cili akuzohet për sigurimin e kushteve dhe mjeteve materiale për të kryer vrasje. Sipas policisë, autorët janë afruar te banesa e Gentjan Bejtjas me automjetin tip “Land Rover Discover” dhe pas kryerjes të vrasjes po me këtë automjet janë larguar në aksin rrugor Larushk- Thumanë, pas kalimit të mbikalimit të FushëKrujës, janë kthyer majtas dhe në fshatin Hasan kanë djegur makinën. Më pas autorët janë larguar me një automjet tip “Golf” me ngjyrë të zezë, pa targë në pjesën e pasme, duke ndjekur itinerarin nga vendi i djegies së automjetit në drejtim të rrugës kryesore Thumanë- Fushë

Krujë, kanë devijuar djathtas në mbikalimin e FushëKrujës dhe janë larguar në drejtim të fshatit Bubq, Krujë.

ZBULIMI NËPËRMJET MAKINËS

“Golf”- i sipas të dhënave të policisë është në pronësi të 29- vjeçarit Edison Haxhiu dhe është përdorur nga 40- vjeçari Ilir Beqaraj, i dyshuar për ekzekutimin e Gentjan Bejtjas. Gjatë kontrollit të banesës së Ilir Beqaraj u gjetën dhe u sekuestruan në cilësinë e provës materiale një armë zjarri pistoletë me mbishkrimin ‘ VALTER’ me tetë fishekë, një armë zjarri e markës ‘ BENELLI’, e cila mbahej me lejen e organeve të policisë, një brez me njëzet e nëntë fishekë arme zjarri, pesë pajisje si ato të radiove marrëse- dhënëse me mbishkrimin ‘ MIDLAND XT70’, një pasaportë e Republikës të Kosovës në emër të shtetasit Kosovar B. A., e dyshuar e falsifikuar’ pasi fotografia është e ngjashme me fotografinë e shtetasit I. B., një kartë identiteti e Republikës të Kosovës në emër të shtetasit Kosovar B. A., e dyshuar e falsifikuar’ pasi fotografia është e ngjashme me fotografinë e shtetasit I. B., dy aparate celular të markës ‘ iPhone’ dhe një aparat celular i markës ‘ Samsung’. 40vjeçari, lindur në Kurbin dhe banues në Tiranë, u arrestua për veprat penale ‘ Mbajta pa leje dhe prodhimi i armëve, armëve shpërthyese dhe municionit’ dhe ‘ Falsifikimit të dokumenteve’. Po kështu ky shtetas është i dyshuar si një nga autorët e vrasjes së shtetasit Gentjan Bejtja”, - raportojnë uniformat blu. Gjithashtu u ndalua edhe Edison Haxhiu, lindur në Milot dhe banues në Tiranë, për kryerjen e veprës penale, “Sigurimi i kushteve dhe mjeteve materiale për të kryer vrasje”.

KËRKIMI DHE DYSHIMI

Ilir Beqaraj, që sipas policisë është edhe lidhje e afërt e Ylli Brahimit, të riut që i mbijetoi një pritë brutale në Milot, ku në atë ngjarje humbi jetën miku i tij, Klisman Preçi, banonte në një vilë në zonën e Lundrës. Policia që ka gjurmuar pikërisht mjetin që largoi autorët, bën me dije se Beqaraj e kishte të punësuar Edison Haxhiun, një djalë të ri nga zona e Milotit, ku shpesh e përdorte për të kryer ndonjë punë të famil

jes, madje ai i lëvizte edhe fëmijët Beqarajt. Referuar të dhënave që vijnë nga Policia e Lezhës, e cila është udhëzuar të kryente kontroll në banesat e dy personave të arrestuar në Tiranë, është bërë me dije se asnjëri nuk janë gjendur në shtëpi dhe se familjarët e tyre kanë treguar se djemtë banonin në Tiranë. Por nëse për personin që akuzohet si atentator i ishpolicit Bejtja, policia e ka gjetur vendbanimin e tij për Edison Haxhiun askush nuk

di të thotë se ku banonte në Tiranë. Policia ka vetëm pamjen e makinës, makinë që më pas u gjet në lavazh në afërsi të TEG, ndërkohë që përveç dy armëve të gjetura në banesën luksoze të Beqarajt, policia e Tiranës nuk ka asnjë provë konkrete që e lidh këtë të fundit me vrasjen e Bejtjas. Përpos këtij fakti, në vendin e ngjarjes sipas familjes së viktimës kanë qenë 4 persona, tre prej të cilëve ka qëlluar për vdekje shënjestrën e tyre.