Dënimi i Forestit, Mançester Siti dhe Çelsi janë të paralajmëruara

Rrezikojnë dhe përjashtimin nga Premier Liga

Çelsi dhe Mançester Siti janë paralajmëruar se mund të përjashtohen nga Premier Liga nëse shpallen fajtorë për shkelje të rregullave të "fair play"- t financiar.

Kampionët e Anglisë po kundërshtojnë ashpër 115 akuzat e ngritura nga shefat ligjorë të Premier Ligës në shkurt të vitit 2023. Dhe Komisioni i Pavarur pritet të fillojë shqyrtimin e rastit në fund të vjeshtës. Çelsi i vendit të 11- të ende nuk është akuzuar. Por verën e kaluar dolën disa manovra financiare të kryera gjatë epokës së Roman Abramoviçit, në lidhje me pagesat e bëra për menaxherët nga llogari që nuk kalonin nëpër bilancet e klubit. Bilancet e fundit financiare të klubit të "Stamford Bridge" treguan se 150 milionë paund u lanë mënjanë kur Tod Bohli me shokë blenë klubin për të mbuluar kostot e mundshme ligjore. Dhe tani dy gjigantëve të Premier Ligës u është komunikuar se ata mund të përballen me dënimin përfundimtar, nga Komisioni që i zbriti Notingem Forestit katër pikë këtë javë. Në arsyetimin e tyre të shkruar prej 52

faqesh, "Robert Glancy KC", specialisti i ligjit sportiv Mark Hovell dhe eksperti i kontabilitetit Stiv Holt, shpjegojnë pse ata erdhën në këtë konkluzion në gjykimin e Forestit dhe vendosën në kontekst shkeljen prej 34.5 milionë paundësh të Rregullave të Rentabilitetit dhe Qëndrueshmërisë nga klubi i Marianakis. Ata renditën sanksionet e pakufizuara të disponueshme në çdo rast, "duke filluar nga një paralajmërim deri te përjashtimi nga Premier Liga". Komisioni shtoi: "Aty ku një shkelje e Rregullave të Rentabilitetit dhe Qëndrueshmërisë është

' e vogël', atëherë do t'i mbetet komisioneve të tjera të përcaktojnë nëse zbritja e pikëve është e nevojshme, e përshtatshme ose proporcionale. Por nëse shkelja përshkruhet si ' e rëndë', atëherë mund të jetë rasti që edhe një sanksion shumë i rëndë si përjashtimi të jetë më i përshtatshëm". Shkalla e akuzave kundër Sitit dhe fakti që Çelsi i pranon akuzat sugjeron që të dyja rastet gjejnë vend në "shkeljet e rënda" nëse vërtetohen. Gjithsesi, cdo rast vlerësohet i veçantë, edhe pse ky është një paralajmërim për dy gjigantët anglezë.