Konsensusi PS- PD solli normalitetin në Kuvend, por palët përfshihen në debate
Përfundon pa rezultat komisioni bipartizan për Reformën Zgjedhore. Nuk u arrit asnjë produkt konkret, palët fajësuan njëra- tjetrën
Konsensusi mes PSsë dhe opozitës riktheu normalitetin në Kuvend, por gjatë seancës së djeshme palët u përfshinë në debate.
Komisioni i Posaçëm për Reformën Zgjedhore, i ngritur dy vite më parë me konsensus politik, përfundoi të enjten afatin e tij ligjor pa asnjë produkt konkret për të adresuar në ligjin zgjedhor rekomandimet e OSBEODIHR dhe vendimet e Gjykatës Kushtetuese. Për dështimin e komisionit, të dy palët fajësuan njëratjetrën në seancën plenare, ku një pjesë e opozitës sulmoi mazhorancën se kishte bllokuar mundësinë për të pasur një rezultat me synimin për të bërë “pazare” politike me pjesën tjetër të opozitës. Pikërisht Reforma Zgjedhore ishte shqetësimi i shprehur më së shumti gjatë diskutimeve në foltoren e Kuvendit nga Lulzim Basha, i cili akuzoi mazhorancën dhe grupin e Bardhit se kanë bërë një pazar për të mos e bërë këtë reformë. Basha kërkoi që drafti i propozuar nga opozita të hidhet në votim, edhe pse sot është afati i fundit i komisionit. Lojërat e fjalëve nuk pinë më ujë, ka dy vjet që komisioni nuk ka produkt sepse produktin e keni aty, e keni brenda. Për ndëshkimin e praktikave korruptive, është e qartë pjesa më e dhimbshme për qytetarët, më e shtrenjtë në kuptimin e çmimit që doni ti impononi demokracisë. Produkt i Kushtetutës së 2008- ës, kërkoj ndjesë për këtë sepse shkatërruan balancat institucionale, çdo gjë vendoset jashtë kësaj salle për interesat tuaja. Gjashtë muaj teatër, është e qartë që vendimin e keni marrë por shqiptarëve ia keni borxh tani ta hidhni në rendin e ditës. Jeni pro apo kundër listave të hapura, numërimit elektronik, votës së diasporës…”, tha Basha. Nga ana tjetër kreu i grupit par
“Një karrige bosh i është lënë edhe grupit të Bashës, por ky i fundit e refuzoi. Në skadim të këtij komisioni të turpshëm, ky Kuvend sot duhet të nxisë absolutisht dialogun politik që në një kohë të shkurtër ne t’u japin qytetarëve shqiptarë një reformë kuptimplotë zgjedhore, jo një tallje me teza jeniçerësh, që kthehen sa herë dikush ka nevojë për t’u bërë deputet”.
lamentar socialist, Bledi Çuçi tha se mandati i Komisioni të Reformës Zgjedhore mbaroi dje dhe se ky komision do të dalë me një produkt final. “Çfarë komisioni bipartizan konsensual mund të ngrihet kur pakica vjen me një draft dhe thotë këto janë kushtet tona, po doni merreni, po doni lëreni. Dhe ndoshta këtu është dhe burimi i dështimit të këtij komisioni”, - deklaroi Çuçi. Ndërsa grupimi i Gazment Bardhit bëri me dije se të gjitha diskutimet dhe propozimet do të bëhen me mekanizmin e ri që do të krijohet në Komisionin e Ligjeve ku do të ketë përfaqësues nga të gjitha palët. “Një karrige bosh i është lënë edhe grupit të Bashës, por ky i fundit e refuzoi. Në skadim të këtij komisioni të turpshëm, ky Kuvend sot duhet të nxisë absolutisht dialogun politik që në një kohë të shkurtër ne t’u japim qytetarëve shqiptarë një reformë kuptimplotë zgjedhore, jo një tallje me teza jeniçerësh që kthehen sa herë dikush ka nevojë për t’u bërë deputet”, - tha Bardhi. Pas dështimit të komisionit, pritet që reforma të diskutohet në një grup më të ngushtë negociatash mes PS- së në pushtet dhe opozitës së përfaqësuar nga grupimi i “Rithemelimit”, që drejtohet nga ish- kryeministri Sali Berisha, sipas një pakti mes tyre për të gjetur konsensus politik për çështje që kërkojnë votë të cilësuar në parlament. Komisioni bipartizan për reformën zgjedhore u ngrit 2 vjet më parë, por nuk ka prodhuar asnjë rezultat konkret dhe vetëm ka kërkuar shtyrjen e afatit çdo 6 muaj në Kuvend. Socialistët rrëzuan në vjeshtë një kërkesë të “Rithemelimit” për të ndryshuar bashkëkryetarin në komision për shkak të prishjes së balancave politike mes grupimeve brenda PD- së, vendim që u pasua me protestë të deputetëve opozitarë në Kuvend. Për herë të fundit, Kodi Zgjedhor u ndryshua në vitin 2020 pas një marrëveshje të gjerë të partive politike dhe ndërmjetësimit të delegacionit të BE- së dhe ambasadave amerikane dhe britanike, por vetëm 1 muaj më pas, PS në aleancë me disa deputetë të opozitës e ndryshuan atë, duke imponuar një sistem zgjedhor të padakordësuar nga palët e tjera.