Alonso, Hënes: Bajerni, Liverpuli dhe Reali e duan

Presidenti i nderit të Bajernit të Mynihut, Uli Hënes, ka thënë se klubi i tij, Liverpuli dhe Reali i Madridit janë të gjithë duke punuar për të arritur një marrëveshje me Ksabi Alonson si trajnerin e tyre të ardhshëm. Në fillim të këtij muaji, "Sky" në Gjermani raportoi se Bajerni kishte nisur diskutimet me trajnerin e Bajer Leverkusenit, për të zëvendësuar Tomas Tuhelin, i cili do të largohet në verë. Ishmesfushori i Liverpulit raportohet se është gjithashtu kandidati i preferuar i Liverpulit, pasi ata kërkojnë pasardhësin e Jyrgen Klopit, i cili do të largohet në fund të sezonit. Drejtori i ri sportiv i "reds"- ave, Riçard Hjuxhs, i cili do të nisë punë në fund të sezonit dhe është emërimi i parë i administratorit Majkëll Eduards, që kur u emërua drejtor, e di se menaxheri i Alonsos ka sjellë një tjetër klient të tij, Andoni Iraola, në Bornmëth verën e kaluar. Alonso gjithashtu është përfolur edhe për një transferim te ish- klubi tjetër i tij, Reali i Madridit, pavarësisht se Karlo Ançeloti e zgjati kontratën deri në vitin 2026 në dhjetor. "Ai e ka dëshmuar ( Alonso) se mund të jetë trajner për një ekip të madh", tha Hënes për gazetën gjermane "Ran Sport". "Klube si Liverpuli, Reali, Leverkuseni dhe Bajerni janë duke punuar për këtë". Bavarezët konsiderohen favoritë, ndërsa mësohet se kanë marrë një sinjal pozitiv nga ish- mesfushori gjatë bisedimeve fillestare. Ai do t'i kushtonte Bajernit midis 12.8- 21.3 milion paund ( 15- 25 milionë euro) këtë verë, pasi ka një klauzolë fikse largimi në kontratën e tij prej rreth 12.8 milionë paund

( 15 milionë €), por që hyn në fuqi vetëm në verën e vitit 2025.