Berisha mesazh Ramës: Jam 32 herë më i motivuar në betejën kundër diktaturës

Për liderin demokrat Sali Berisha kauza e drejtë nuk njeh moshë duke I përcjellë Edi Ramës mesazhin se është 32 herë më i motivuar në betejën kundër diktaturës, sipas tij të instaluar nga ky i fundit. Në protestën e zhvilluar në atë që tashmë ka marrë emrin ' Rruga e Shpresës', Berisha u shpreh se kauza e drejtë nuk njeh moshë. "Të garantoj se pas 32 vitesh, Sali Berisha është 32 herë më i motivuar në betejë kundër teje, kundër diktaturës tënde. Mos mendo o mjeran diferencën e moshës, se po ta them këtu para shqiptarëve, kauza e drejtë nuk ka moshë. Kauza e drejtë nuk vdes kurrë. Moshën e përcakton kauza që mbron. Idealet që mbron. Ti je kalbësirë, je një hajdut që vjedh nga mëngjesi gjer në darkë. I rrethuar nga një bandë Dumanësh, Krajësh dhe llumi gjokërash me shokë. Ti nuk ke shpresë mor, nuk ke të ardhme. Kurse unë sot ndjehem po aq i ri sa 32 vite më parë, po aq i fuqishëm. Se kauza ime është po ajo, kauza e pavdekshme"tha Berisha. Ish kryeministri iu rikthye qeverisjes së tij, ku sipas tij, viti 2008 ishte viti kur

PD ndau epokat. Berisha theksoi se gjatë qeverisjes së PD- së, u la pas epoka e varfërisë dhe Shqipëria hyri në epokën e prosperitetit. "Mos harroni se në vitet 20052013, Shqipëria u bë protagoniste e projekteve të shekullit. Projektet ndër më të mëdhatë të Europës, do bëheshin edhe projekte shqiptare si TAP- i. Kompanitë më të mëdha të botës do ndërtonin Kaskadën e Devollit dhe hidrocentrale të tjera. Shqiptarë, shtroni pyetjen vetes, cili investitor dhe cili investim madhor ka ndodhur gjatë këtyre 10 viteve? Asnjë! Ndërkohë, janë larguar investitorë që kishin planifikuar të investonin miliarda euro në turizmin dhe fusha të tjera të Shqipërisë", - deklaroi Berisha.