Grupi i punës për reformat nis të enjten me amnistinë penale
Mekanizmi, 3 anëtarë nga opozita dhe tre nga PS, Basha refuzoi Vendime me konsensus për ligjet me 84 vota, përfshirë “Zgje dhoren”, për të shkuar drejt votimit në Parlament me dakordësinë e palëve
Të enjten orën 10: 00 në sallën e Komisionit parlamentar të Ligjeve do të konstituohet grupi i dialogut për ligjet me 3/ 5 dhe ligjet e nevojshme për rrugëtimin në Bashkimin Evropian.
Mekanizmi i dialogut do të ketë 3 anëtarë nga opozita dhe 3 nga mazhoranca. Gazmend Bardhi ka njoftuar më herët publikisht se njëri anëtar do të jetë nga “Rithemelimi”, Oerd Bylykbashi, Erisa Xhixho nga Partia e Lirisë, ndërsa anëtari iu propozua një deputeti nga grupi Basha, por ftesa u refuzua publikisht nga kryetari i PD- së zyrtare. Në këto kushte, “Rithemelimi” do çojë të anëtare zëvendësuese Dhurata Cupin. Nga mazhoranca anëtar janë Damian Gjiknuri, Klotilda Bushka dhe Toni Gogu. Ngritja e këtij mekanizmi dialogu u bë pas në dakordësi me mazhorancën dhe ‘ Rithemelimin’ pas rikthimit të tyre në veprimtarinë normale të Kuvendit. Ky grup pritet të marrë vendime me konsensus për ligjet që duan 84 vota, përfshirë reformën zgjedhore, për të shkuar drejt votimit në Parlament, me dakordësinë e palëve. Amnistia penale pritet të jetë dokumenti i parë në tryezën e grupit të punës i ngritur si mekanizëm paqeje nga Komisioni i Ligjeve mes socialistëve të Ramës dhe demokratëve të Berishës. Mësohet se mazhoranca është tërhequr nga propozimi për të amnistuar të dënuarit nga Gjykata e Posaçme. Burimet bënë me dije se do të zgjerohet edhe numri i protestuese që do të falen. PS ka pranuar që përfitues nga amnistia të jenë jo vetëm të dënuarit për tubime të paligjshme, por edhe nga kategori të tjera të veprave penale, siç janë shkatërrimi i pronës, shkatërrimi i pronës me zjarr dhe goditja e forcave të policisë. Shumica e majtë do të jetë e hapur për të ndërhyrë për këta protestues, por sipas burimeve nuk do të ketë tolerim, nëse për veprat ka pasur pasoja të rënda. Pasi të diskutohen edhe elementet e fundit në grupin e reformave, projektligji pritet t’i drejtohet seancës së parë në javën e parë të prillit për të marrë votat e opozitës dhe shumicës. Ndërsa demokratët janë në pritje të anëtarit të Lulzim Bashës për t’u bashkuar me Oerd Bylykbashin dhe Erisa Xhixhon, edhe socialistët janë ende në dilemë për emrin e tretë. Përballë opozitës do të ulen Klotilda Bushka dhe Damina Gjiknuri, ndërsa karrigia e tretë pritet të ndahet mes Toni Gogut dhe Plarent Ndrecës, të cilët pas marrëveshjes kanë dhe dy role në komisionet hetimore për të dhënat e sistemit TIMS dhe sterilizimit e ‘ chek- up’- it në Shëndetësi. Sipas burimeve nga Kuvendi, Kryesia e Komisionit të ligjeve ka marrë një vendim për ngritjen e grupit të punës, duke i dhënë në këtë mënyrë dritën jeshile për t’u marrë me ligjet që kërkojnë 3/ 5 e votave të deputetëve. Teksa pritet mi
ratimi i amnistisë, pikëpyetja më e madhe është mbi reformën zgjedhore: deri ku do të jenë të gatshëm të shkojnë socialistët dhe demokratët me ndryshimet që do propo
zohen, teksa nuk kanë hequr dorë as këtë herë nga negociatorët e tyre të përhershëm të kodeve zgjedhore, Damian Gjiknurin dhe Oerd Bylykbashin.