Arsimi profesional, Gonxhja: Janë punësuar 60% e të diplomuarve
Ministri: “Rriten regjistrimet me 11 për qind, Hoteleri- Turizëm dega më e preferuar nga nxënësit”
Arsimi profesional po forcohet dhe po zhvillohet çdo ditë e më shumë. Përkatësisht regjistrimet në shkollat profesionale për vitin akademik 2023- 2024 janë rritur me 11% krahasuar me një vit më parë.
Kështu ka deklaruar ministri i Ekonomisë, Kulturës dhe Inovacionit, Blendi Gonxhja, gjatë Konferencës Kombëtare për Arsimin dhe Formimin Profesional ( AFP) 2024 – “Aftësi për Pjesëmarrje në Tregun e Punës dhe Profesionet e së Ardhmes”. Kjo konferencë nisi punimet në Tiranë, me pjesëmarrjen e kryeministri Edi Rama dhe autoriteteve të linjës. Blendi Gonxhja në fjalën e tij ndau disa shifra dhe fakte që tregojnë për forcimin e rrjetit të arsimit profesional në vendin tonë dhe ndërveprimin e tyre me Agjencitë Kombëtare të Punësimit. “Janë regjistruar për herë të parë në arsimin profesional 4709 nxënës, 11% më shumë së një vit më parë. Programet më të frekuentuara në arsimin profesional për vitin 2023- 2024 janë: hoteleriturizëm, shërbime mjetesh transporti dhe teknologji informacioni dhe komunikimi ( TIK). 8 ofrues të arsimit dhe formimit profesional ofrojnë dhe kualifikime profesionale pas të mesmes ( dizajn mode, diagnostikim & menaxhim në autoservis, ndërmjetësues të pasurive të paluajtshme)”, - bëri me dije ministri. Ai nënvizoi se 60% e nxënësve që kanë përfunduar vitin shkollor 2022 janë punësuar brenda vitit të parë pas diplomimit. “63,4% e nxënësve të punësuar janë punësuar në një fushë, që ka lidhje me degën e tyre të studimeve. 80% e nxënësve që
“Janë regjistruar për herë të parë në arsimin profesional 4709 nxënës, 11% më shumë së një vit më parë. Programet më të frekuentuara në arsimin profesional për vitin 20232024 janë: hoteleri- turizëm, shërbime mjetesh transporti dhe teknologji informacioni dhe komunikimi ( TIK)”.
ndjekin arsimin profesional, kryejnë praktika profesionale në 2551 kompani private e publike. Ndërkohë 2 Komitete Sektoriale në dy sektorë prioritarë Teknologji Informacioni dhe Komunikimi dhe Turizëm e Mikpritje prej dy vjetësh konsultojnë e informojnë përafrimin e programeve të arsimit dhe formimit profesional me kërkesat e dinamikat e këtyre dy sektorëve”, - tha Gonxhja. Më tej, ai vuri theksin në forcimin e bashkëpunimit mes institucioneve të linjës për zhvillimin e arsimit profesional. “Procesi i optimizimit ka përfshirë 10 institucione të arsimit dhe formimit profesional, nga riorganizimi i të cilave janë krijuar 4 ofrues të optimizuar të AFP- së. Arsimi dhe formimi profesional publik ofrohet nga 29 shkolla profesionale dhe 10 qendra të formimit profesional në të gjithë vendin. 14,700 nxënës ndjekin arsimin e mesëm profesional publik për vitin shkollor 2023- 2024”, - tha ministri. Sipas tij, nga qendrat e formimit profesional publik gjatë vitit 2023 janë ofruar 71 kurse të formimit profesional, në të cilat janë regjistruar mbi 15,000 kursantë, nga të cilët mbi 10,000 kanë qenë punëkërkues të papunë. “Gjatë vitit 2023, nëpërmjet Agjencisë Kombëtare të Punësimit dhe Aftësive është zbatuar programi i kodimit, i cili synon mbështetjen e punëkërkuesve me aftësitë e kërkuara në sektorët me prioritet për zhvillimin ekonomik. Prioritet ka qenë ofrimi i kurseve të IT- së, si: si kodim, programim, siguri kibernetike, robotikë etj., kundrejt mbështetjes buxhetore për punëkërkuesit në masën 50% të vlerës dhe për punëkërkuesit e papunë në masën 100 % të vlerës”, - u shpreh ministri. Gonxhja tha se në zbatim të Planit Kombëtar për Zbatimin e saj, Garancia Rinore është lançuar në tetor të vitit të shkuar dhe ka nisur pilotimi i saj në tri bashki: Tiranë, Shkodër dhe Vlorë. Në kuadër të fazës pilot, në të tria bashkitë ka nisur zbatimin programi i të nxënit në vendin e punës, si pjesë e Garancisë Rinore. Ministri vlerësoi bashkëpunimin me institucionet ndërkombëtare për forcimin e arsimit profesional sipas eksperiencave më të mira europiane në Shqipëri, si objekt thelbësor edhe i qeverisë shqiptare për punësimin e te rinjve dhe zhvillimin e tregut të punës në vendin tonë.