Panorama (Albania)

Goro dorëhiqet nga burgu: Akuzat absurditet, dopërballe­mnëgjykatë

Letra e dorëheqjes: S’mund t’i hidhja benzinë një zjarri përçarjeje, që përfshiu Athinën dhe Tiranën deri në Bruksel

- TIRANE

Bashkia Himarë është zyrtarisht pa kryetar. Vetëm katër ditë pasi përfundoi në prangat e Prokuroris­ë së Posaçme, kryetari në detyrë, Jorgo Goro, dha dorëheqjen nga qelia e paraburgim­it përmes një letre që i drejtohet këshillit bashkiak.

12 vjet e 10 muaj në krye të kësaj bashkie, Goro shprehet se e drejtoi qytetin pasi nuk kishte tjetër zgjedhje në një kohë kur i zgjedhuri Fredi Beleri ndodhej në burg. Ai shprehet se akuzat e Prokuroris­ë Speciale Antikorrup­sion ndaj tij nuk qëndrojnë. Goro fillimisht solli në vëmendje konfliktin politik në Himarë. “S’mund ta lija detyrën se s’kishte kush ta merrte dhe largimi im vetëm do të shtonte konfuzioni­n kur Himara u kthye në mollën e një konflikti politik absurd në nivelet më të larta mes dy shteteve. Megjithëse e dija se sa shumë ishin lidhur fijet e manipulimi­t propagandi­stik, për gjoja shpëtimin e pronave të Himarës, me fijet e manipulimi­t elektoral për të mbushur autobusët me premtime dhe xhepat e pasagjerëv­e elektoralë me para, nuk e prisja atë rezultat. Por nuk kisha as si të flisja dhe t’i hidhja benzinë një zjarri përçarjeje që përfshiu mediat e Athinës dhe Tiranës dhe arriti deri në Bruksel”, - shkruan Goro. Ndërsa mbështetës­it e Fredi Belerit, Goro i quajti organizatë e përbërë nga njerëz të paskrupull­t. “Një organizatë anadollake e minoriteti­t fatkeqësis­ht bindi një shtet të BE- së se po lufton gjoja për të drejtat e njeriut në Himarë. Po në fakt ajo organizatë orkestrohe­t nga njerëz të paditur, pa skrupuj dhe pa ideale. Përveç parasë dhe rakisë! Marifetçin­j të babëzitur që kush i njeh, e di për kë dhe për çfarë flas. Tamam një çetë nga ato të kohërave të errëta që mbahet për forcë politike. Vetëm sherrin i ka parë dhe do t’i shohë Himara dhe minoriteti grek në tërësi për sa kohë nuk do t’u bjerë maska edhe në Athinë”, - shkruan Goro. Ish- kreu i bashkisë thotë se dorëhiqet me kokën lart për t’u përballur me drejtësinë, ndonëse akuzat e prokuroris­ë i quan absurde. “Ky është një absurditet me të cilin do më duhet të përballem para gjykatës me faktet e mia dhe të drejtën që e kam me ligj e me moral. Jo në hotele dhe rezidenca të ndërtuara mbi prona të grabitura nga shteti për “oligarkët”, siç bërtasin spekulantë­t anadollakë të lokaliteti­t, po në troje të kontraktua­ra me çmime apo kushte gjithnjë dhe më të favorshme nga cilado familje himarjote, që ka dëshiruar t’i japë të votat për zhvillim”, - shkruan Goro. Por, menjëherë pasi njoftoi publikisht dorëheqjen, Goro, sipas burimeve përfundoi në spitalin e burgut. Ai vuan nga probleme kardiake

dhe tensioni i lartë. Sipas SPAK, Jorgo Goro ka shpërdorua­r detyrën dhe ka falsifikua­r dokumentet në bashkëpuni­m me tre ish- zyrtarë, ata të Bashkisë Himarë dhe Agjencisë Shtetërore të Kadastrës për të tjetërsuar pronat në Dhërmi. Goro u arrestua mbrëmjen e 23 marsit, ndërsa kallëzimin për të e bëri rivali i tij në zgjedhjet e 14 majit, Fredi Beleri, që u arrestua vetëm 2 ditë përpara procesit të votimit.

 ?? ??

Newspapers in Albanian

Newspapers from Albania