Ambasada e SHBA: Shqipëria, më e sigurt, stabilitet dhe qëndrueshmëri

Përvjetori i 15 në NATO, ambasada amerikane: I jashtëzakonshëm, zhvillimi i Shqipërisë në një aleat të besueshëm

Më 1 prill 2009, Shqipëria u bë anëtare me të drejta të plota në NATO. Në mesazhin e saj, ambasada amerikane shkruan se Shqipëria sot ka siguri, stabilitet dhe qëndrueshmëri. Sipas saj, zhvillimi i Shqipërisë në një partner dhe aleat të besueshëm ka qenë vërtet i jashtëzakonshëm. “15 vite së bashku: Udhëtimi i Shqipërisë me NATO- n! Që nga anëtarësimi në NATO në 2009, zhvillimi i Shqipërisë në një partner dhe aleat të besueshëm ka qenë vërtet i jashtëzakonshëm. Sot Shqipëria ka siguri, stabilitet dhe qëndrueshmëri – sot Shqipëria ka NATO- n. Së bashku, ne qëndrojmë më të fortë. Edhe shumë vite të tjera si aleatë në NATO!”, - shprehet Ambasada e SHBA- ve në Tiranë. Më herët reaguan edhe politikanët shqiptarë, duke filluar nga Presidenti Begaj e kryeministri Rama e deri te ministri i Jashtëm, Igli Hasani dhe drejtuesit e opozitës. Presidenti Begaj e konsideroi anëtarësimin në NATO si një nga datat më të rëndësishme të historisë sonë kombëtare. Presidenti i Republikës, Bajram Begaj, përcolli një mesazh për 15- vjetorin e anëtarësimit të Shqipërisë në Organizatën e Traktatit të Atlantikut të Veriut. Begaj shprehet se anëtarësimi në NATO realizoi aspiratën e kahershme të popullit shqiptar dhe është një ndër datat më të rëndësishme të historisë sonë kombëtare. “Data 1 prill e vitit 2009 jetësoi vizionin Euroatlantik të shqiptarëve për të qenë pjesë e Aleancës politiko- ushtarake më të fuqishme të kohës sonë. Ky anëtarësim realizoi aspiratën e kahershme të popullit shqiptar, duke e

“15 Vite së bashku: Udhëtimi i Shqipërisë me NATO- n! Që nga anëtarësimi në NATO në 2009, zhvillimi i Shqipërisë në një partner dhe aleat të besueshëm ka qenë vërtet i jashtëzakonshëm. Sot Shqipëria ka siguri, stabilitet dhe qëndrueshmëri – sot Shqipëria ka NATO- n. Së bashku, ne qëndrojmë më të fortë. Edhe shumë vite të tjera si aleatë në NATO”!

kthyer atë te përkatësia e vet perëndimore, e mishëruar që në filozofinë e heroit tonë kombëtar, Gjergj Kastriotit, si strateg i aleancës së parë politiko- ushtarake me Perëndimin. Anëtarësimi i Shqipërisë në NATO është një ndër datat më të rëndësishme të historisë sonë kombëtare. Mirënjohës ndaj popullit shqiptar, SHBA- ve dhe aleatëve, të cilët mundësuan realizimin e këtij anëtarësimi. Shqipëria në këto 15 vite në NATO ka sjellë më shumë siguri për vendin, rajonin dhe hapësirën euroatlantike. Krenar për efektivët e Forcave tona të Armatosura, si dhe vajzat e djemtë shqiptarë në misionet paqeruajtëse dhe operacionet e NATO- s, si: Afganistan, Irak, Bosnjë, Kosovë, Bullgari, Letoni dhe Deti Egje. Shqipëria do të vijojë të j etë e palëkundur që, së bashku me aleatët, të mbrojë lirinë e të kontribuojë për një botë në paqe”, - tha ai. Në një postim në rrjetet sociale, kryeministri Edi Rama shkruan se Shqipëria kontribuon si aleat dijnitoz për sigurinë e përbashkët, teksa ka ndarë edhe një video nga Forcat e Armatosura dhe momente të tjera të vendit tonë në Aleancë. “15 vjet nga anëtarësimi i Shqipërisë në NATO, aleancës më të rëndësishme ushtarake ku vendi ynë kontribuon si aleat dinjitoz për lirinë dhe sigurinë e përbashkët”, - shkruan Rama. Ministri për Evropën dhe Punët e Jashtme, Igli Hasani, ka reaguar me rastin e 15- vjetorit të anëtarësimit në NATO të Shqipërisë. Hasani shkruan në platformën “X” se Shqipëria qëndron me krenari krah aleatëve në mbështetje të paqes dhe vlerave të përbashkëta. “Pesëmbëdhjetë vjet në NATO: Një rrugëtim angazhimi, solidariteti dhe mbrojtjeje kolektive. Shqipëria mbetet një kontribuues i përkushtuar i NATO- s, duke qëndruar me krenari krah aleatëve të saj, për të mbështetur paqen dhe vlerat tona të përbashkëta”, - shprehet ministri i Jashtëm.