Xhuntoli nis punën për sulmin e ri, del emri i Bonifejsit

Në shtëpinë e Juventusit tashmë kanë filluar manovrat e mëdha të transferimeve për sezonin e ardhshëm. Në fushë ka ende një kualifikim aritmetik për t'u arritur në Champions, por në prapaskenë Kristiano Xhuntoli po punon për të forcuar skuadrën, duke nisur nga reparti ofensiv. Marrëveshja për Felipe Andersonin tani po mbyllet, pista e Zakanjit po nxehet, por përveç sulmuesve anësorë, drejtuesit e Juventusit po mendojnë edhe për rolin e qendërsulmuesit. Pavarësisht nëse Maks Alegri qëndron apo jo në stol dhe një përmbysje të mundshme taktike, me një zhvendosje në 4- 3- 3 ose 4- 2- 3- 1, në fakt do të jetë thelbësore të forcohet reparti sulmues për shkak të shumë ndeshjeve të planifikuara. Milik dhe Ken janë parë pak këtë sezon dhe të dy mund të jenë në prag të largimit. Vlahoviç dhe Jildëz duket se janë të vetmet siguri edhe nga perspektiva e së ardhmes, ndërsa çështja e rinovimit rëndon ende mbi Kiezën, i cili ka një kontratë që skadon në vitin 2025. Kjo është arsyeja pse, sipas "Tuttosport", Juve vazhdon të monitorojë profile të ndryshme: gjurma që të çon te Joshua Zirkze, ardhja e të cilit në Torino mund të lidhet me punësimin e Tiago Motës si trajner i ri, është ende aktive. Ditët e fundit u përfol edhe emri i Viktor Bonifejs, ndër protagonistët e sezonit të ëndrrave të Bajer Leverkusenit. Nigeriani është duke u rikuperuar nga një dëmtim muskulor që e mbajti jashtë për disa javë, por para ndalesës ai kishte arritur të grumbullonte 16 gola dhe 9 asiste në 25 paraqitje me Ksabi Alonson. Në të dyja rastet do të duhej një sakrificë e konsiderueshme financiare, duke qenë se vlerësimi i tyre është rreth 40 milionë euro dhe, nuk duhet harruar që Xhuntoli do të donte edhe përforcime të rëndësishme në mesfushë. Kopmainers mbetet ëndrra e madhe e drejtuesve.