Skandali i basteve, policia kryen 4 mijë arrestime
Azia mbetet "parajsa" e lulëzimit të kompanive
Bastet e paligjshme godasin sërish fut bollin, por këtë herë "Interpoli" në bashkëpunim me organet përkatëse në çdo shtet ka mundur të vërë nën pranga 4000 persona nga vende të ndryshme për përfshirje në skandalin e basteve dhe bixhozit sportiv të paregjistruar. Lajmin e ka bërë të ditur vetë "Interpol" dhe nuk lë asnjë dyshim mbi këtë fakt. Personat e arrestuar janë nga vende të ndryshme, përfshirë Francën, Italinë, Greqinë. Megjithatë, oazi ku lulëzojnë bastet sportive është Azia dhe vendet si Malajzia, Singapori, Tailanda dhe Vietnami.
"Euro 2016" - Kampionati europian i zhvilluar në Francë ka qenë pikënisja kryesore për të shkatërruar rrjetin e "kupolës" së basteve të paligjshme. Përmes një deklarate "Interpoli" tregon që ka arritur të sekuestrojë një shifër rekord, e cila do të tentohej të luhej mes bandave që kontrollojnë bastet që janë sëmundja më e madhe e futbollit. Ekspertë të ndryshëm të organizatës më të madhe policore në botë kanë bërë me dije se do të bashkëpunojnë gjerësisht me
shtetet e ndryshme për të asgjësuar bastet e paligjshme për pastrimin e futbollit nga kjo gjë. "Është e rëndësishme të përballemi me këtë rrjet mafioz, i cili tenton të futet thellësisht në botën e futbollit. Nuk duhet t'i lëmë të avancojnë, por do të marrim çdo masë kundër tyre
për t'i ndalur", thotë një zyrtar i policisë së Hong Kongut. Në ditët e ardhshme pritet një tjetër sulm në vende specifike si Kamboxhia, Tailandë dhe Vietnam për t'u dhënë fund një herë e mirë këtyre organizatave kriminale që nuk merren vetëm me bastet e paligjshme.