Gërçaliu çon në “gjyq” Tiranën

Klubi i kundëpërgjigjet me shkresë: I gjithë detyrimi i pretenduar janë gjoba ndaj lojtarit

R onald Gërçaliu është ende një lojtar nën kontratë i Tiranës, por duket qartësisht që klubi nuk e ka në plane për edicionin e ardhshëm. Mes lojtarit dhe klubit duket se ka një mungesë komunikimi. Kjo, sa u përket zgjidhjes së çështjeve ligjore dhe kontraktuale mes tyre. Së fundmi, të dyja palët kanë shfrytëzuar institucionin e futbollit në vend për të komunikuar mes tyre në lidhje me kërkesa dhe ankesa që kanë në adresë të njëri-tjetrit. FSHF

Federata Shqiptare e Futbollit është bërë vendi në të cilin si Tirana, ashtu edhe Gërçaliu dërgojnë kërkesa dhe ankesa kundrejt palës tjetër. Burime të gazetës "Panorama Sport" pranë institucionit të futbollit në vend kanë bërë me dije se ka qenë lojtari që ka bërë një kërkesë në lidhje me paga të prapambetura drejtuar klubit. Një shkresë është depozituar në Federatën Shqiptare të Futbollit, në formën e një ankese për klubin. Lojtari ka vënë në dijeni edhe institucionin e futbollit në vend për pagesa të

palikuiduara nga klubi. Përgjigjja

Sërish në zyrat e Federatës Shqiptare të Futbollit, Tirana ka dërguar një përgjigje në emër të Gërçaliut. Klubi 24 herë kampion i Shqipërisë, në shkresën ku

i përgjigjet lojtarit, i bën me dije masat ndëshkimore, të cilat ai duhet të paguajë. Në këtë mënyrë, Tirana është shprehur me anë të letrës në federatë se pagesa e pretenduar si e prapambetur nga Tirana është e njëjtë me

shumën e përgjithshme të gjobave që Gërçaliu u detyrohet bardhebluve. Palët duket që kanë pësuar një ftohje mes tyre dhe ky komunikim, duke përdorur Federatën Shqiptare të Futbollit, është një shenjë e qartë.