Emergjencë për "bombera", merkato nis nga pika... zero

Tirana kthehet në gjendjen fillestare. Pista "Ndikumana" nuk është më e vlefshme (pasi ka firmosur në Katar), ndërsa afrikani Emeka Emerun braktisi grumbullimin, duke i dhënë lamtumirën e parakohshme aventurës me kryeqytetasit. Në këtë situatë, klubi është në emergjencë për të gjetur "bomberat" e shumëkërkuar. Vështirësia për të "peshkuar" të duhurit është prezente dhe është pikërisht ky një ndër motivet që po sjell vonesën e zyrtarizimeve. Emra konkretë nuk ka, por edhe nëse janë "piketuar" përgjegjësit e merkatos po tregohen diskretë, pasi nuk duan që të përsërisin gabimet e së shkuarës. Prej dy vitesh skuadra po vuan para porte, ndaj përforcimi i ofensivës është kthyer në një mision special.