Merkato për trajnerë, Ndreca tregon listën
Presidenti i Mamurrasit Ded Ndreca është në kërkim të trajnerit që do të drejtojë skuadrën për sezonin e ri. Kreu i klubit bëri të ditur disa ditë më parë se ishte shumë pranë akordit me një teknik të njohur, por se nuk është arritur marrëveshja. Tashmë, Ndreca ka piketuar emra të tjerë që mund të marrin drejtimin e skuadrës. "Aktualisht, jam në bisedime me disa trajnerë dhe çdo gjë po shkon mirë. Në listë janë disa emra të njohur, me të cilët po diskutojmë. Por, përzgjedhja mbetet e vështirë, pasi ai që do të drejtojë skuadrën duhet të njohë ekipin dhe një pjesë të mirë nga futbollistët", shprehet presidenti. Ndërkaq, Ndreca po pret që fillimisht të emërohet tekniku i ri dhe më pas të nisë nënshkrimi i kontratave me lojtarët. Ekipi kaloi një sezon të vështirë duke e siguruar mbijetesën vetëm në "play-out". Ahmet Zani