Verdhezinjtë Vëllezërit Selaci, ofertë nga Besa
Ndërsa mjaft lojtarë vendës janë larguar, drejtuesit, siç pohon administratori Ilirjan Berati, kanë nisur kontaktet me futbollistë të tjerë. "E kemi thënë që kushdo që dëshiron të largohet nga Besa është i lirë, pavarësisht se lojtarët kanë disa detyrime. Për hir të karrierës, ne nuk do t'i penalizojmë, por nga ana tjetër ishin po këta lojtarë që për dy vite radhazi na zhgënjyen duke rrezikuar Besën për rënien në Ligën e dytë. Unë u uroj suksese kudo ku kanë shkuar kujtdo dhe mirëpres gjithashtu lojtarët që dëshirojnë të qëndrojnë", deklaroi zyrtari i klubit. Njëherësh Ilirjan Berati jep edhe sinjalin e parë se Besa përtej largimeve do rindërtohet akoma më e fortë. "Kemi nisur kontaktet dhe do të ketë lojtarë nga Shkodra, Durrësi, Tirana dhe Lushnja. Dy vëllezërit Selaci të Ilirisë, Sokoli dhe Elidoni, janë në planet tona. U kemi bërë ofertë zyrtare dhe presim OK-in e tyre. Portieri Selaci ka qenë 3 vite më parë pjesë e jona dhe e njohim mirë. Po ashtu i vëllai Sokoli mbetet lojtar lider. Nuk do ta lëmë sivjet Besën vetëm në mëshirën e lojtarëve vendas". Feriz Ferizaj