Portieri Endri Saraçi firmos me Turbinën
Endri Saraçi do të jetë tashmë lojtar i ekipit të Turbinës. Ishportieri i Gramshit dhe Sopotit ka nënshkruar tashmë për ekipin e Turbinës. Lajmi konfirmohet zyrtarisht nga drejtori teknik i skuadrës, Artan Xhelili. Sipas tij, afrimi i Saraçit në vend të Vashakut është një zgjidhje ideale për mbrojtjen e katërkëndëshit të portës. Përpos Saraçit, mësohet se kanë konfirmuar qëndrimin edhe pesë futbollistë të tjerë, të cilët kanë qenë pjesë e ekipit edhe sezonin e shkuar. Bëhet fjalë për kapitenin Roshi, sulmuesinAlamani, mesfushorët Allmeta, Pere, Peqini. Drejtuesit theksojnë se ky është vetëm fillimi i projektimit për sezonin e ri pasi priten të tjera prurje. Gjithashtu, mësohet se edhe elementët cërrikas do të jenë pjesë e Turbinës së sezonit të ardhshëm. Cërrikasit sapo kanë nisur përgatitjet për edicionin e ri futbollistik nga Liqeni Artificial nën drejtimin e trajnerit Sinan Bardhi. Cërrikasit e siguruan mbijetesën sezonin e kaluar në javën e fundit. Florenc Manari