Llogaritë e Torinos, Ajeti projektohet si… zëvendësues
Katër ndeshje miqësore dhe disa ditë përgatitje kanë lënë të kuptohet se cilat do të jenë zgjedhjet e Sinisha Mihajloviçit për Torinon në startin e sezonit të ri. Mediat pranë skuadrës "granata" bëjnë me dije se Mihajloviç ka qartësuar zgjedhjet e tij, sidomos për qendrën e repartit të prapavijës. Sipas "toronews", Nikola Maksimoviç do të jetë qendra e djathtë dhe Emiano Moreti do të jetë në të majtë për të plotësuar "digën" dyshe përpara portierit. Në këtë mënyrë, ky medium bën me dije se Arlind Ajeti është projektuar si alternativë për Torinon. Mbrojtësi i Kombëtares duhet të "luftojë" me eksperiencën e serbit për të zënë një vend në formacionin titullar.