Matuidi pëlqehet nga Max, Vitsel i pari në listë
Në pritje të zhvillimeve për mesfushorin Pol Pogba, Juventusi është duke bërë llogaritë për të mos u gjendur i papërgatirur. Bardhezinjtë duan të afrojnë një lojtar në këtë repart, edhe për faktin që Markizio është i dëmtuar. Në dëshirën e trajnerit Masimiliano Alegri është mesfushori francez Matuidi, por Juventusi fillimisht duket se ka bllokuar belgun Vitsel. Ky i fundit ka shprehur dëshirën për të qenë pjesë e bardhezinjve, por fillimisht duhet mbyllur çështja "Pogba". Gjithashtu, reparti i mesfushës ka edhe lojtarë të tjerë që mund ta zëvendësojnë më së miri Pogbanë deri në kohën që do të pritet të rikuperohet italiani Markizio.