Pjaniç: Po e pres me padurim kampionatin
Miralem Pjaniç ishte një nga më të mirët në fushën e lojës në miqësoren që Juventusi fitoi ndaj Totenhemit. Mesfushori boshnjak tha se skuadra është duke u përgatitur shumë mirë, por mund të përmirësohet ende. "Po e pres me padurim kampionatin. Jemi gati për të fituar gjithçka dhe besoj se do të bëjmë mirë. Sigurisht që mund të përmirësohemi akoma më shumë dhe na duhet pak kohë për t'u përshtatur me njëri-tjetrin. E kam parë kalendarin dhe duket disi i vështirë në letër, por për ne janë ndeshje që do të na motivojnë shumë dhe jam i bindur se mund të bëjmë një kampionat për t'u mbajtur mend", tha pas ndeshjes Pjaniç.