Ibra zbarkon në Mançester: Refuzova ofertën e një miku

Zlatan Ibrahimoviç u ka dhënë fund pushimeve dhe ka zbarkuar në Mançester për t'iu bashkuar skuadrës së tij të re. Sulmuesi suedez ishte një nga blerjet e bujshme të Murinjos. Futbollisti do të kryejë stërvitjen e parë me ekipin ditën e sotme, ndërsa debutimin me shumë mundësi do ta bëjë në Suedi kundër ekipit të Gallatasarajit. Junajtid do të përballet me turqit në Goteborg. Ibrahimoviç pritet të jetë në fushë për herë të parë me fanellën e djajve, ndërkohë që ai ka thënë se për të veshur fanellën e Junajtid vendosi të refuzonte një ofertë nga miku i tij, Bekham. "Ai më kërkoi të transferohesha në Amerikë në skuadrën e tij, por sigurisht që për mua ishte më mirë të luaja në Angli me Murinjon. Në të ardhmen sigurisht që mund të shkoj në Amerikë dhe është një opsion shumë i mirë për karrierën", tha Ibrahimoviç.