Tirana, ekipi që ka fituar më shumë Superkupën

Superkupa e Shqipërisë është trofeu i tretë më i rëndësishëm në futbollin shqiptar, pas titullit kampion dhe Kupës së Shqipërisë dhe luhet më shumë për prestigj. Në historinë disavjeçare të zhvillimit të këtij kompeticioni në vendin tonë, Tirana mban rekordin me plot 10 Superkupa të fituara. Ndërsa mes finalistëve të këtij sezoni, Skënderbeu ka arritur ta fitojë këtë trofe dy vite rresht. Në 2013-ën, korçarët kanë arritur të fitojnë finalen ndaj Laçit pas gjuajtjeve nga pika e bardhë, ndërsa një sezon më vonë mposhtin Flamurtarin me rezultat minimal 1-0. Sa i takon Kukësit, nuk ka triumfuar në këtë kompeticion asnjëherë. Verilindorët trofeun e parë e fituan në fundin e sezonit të shkuar, pasi mundën Laçin në finalen e Kupës së Shqipërisë.