Ndryshon miqësorja, luhet në Peqin
Lushnjarët vijojnë përgatitjet në kushtet e shtëpisë duke i zhvilluar seancat stërvitore në ambientet e stadiumit "Roza Haxhiu". Drejtuesit e Bashkisë dhe të klubit që është në varësi të njësisë vendore janë shprehur se këtë edicion do të pretendohet Kategoria Superiore. Mbetet për t'u parë nëse skuadra do të vijojë përgatitjet në kushte grumbullimi. Ndërkaq, miqësorja e sotme me Shkumbinin ka ndërruar fushë. Deri më tani Lushnja ka bërë lëvizje në merkato duke rikthyer Cankën dhe Branicën, si dhe ka marrë nga Shkumbini Endri Maganin. Miqësorja e sotme në Peqin do të jetë e treta për verdhejeshilët gjatë përgatitjeve për sezonin e ri. Alban Alushi