Financat, Sinan Bardhi largohet nga Turbina
Sinan Bardhi largohet nga ekipi i Turbinës. Aventura e teknikut kryeqytetas me cërrikasit ka zgjatur vetëm pak javë. Burime zyrtare pranë klubit bëjnë me dije se trajneri Bardhi nuk ka gjetur akordin me drejtuesit e klubit sa i përket kontratës së tij sezonale. Drejtori sportiv i ekipit, Engjëll Belshi, deklaroi se, në kushte të tilla, skuadra do të drejtohet prej tij dhe zv. trajnerit Bibo. "Fatkeqësisht trajneri Bardhi nuk do të jetë më në krye të pankinës. Trajneri dhe financuesit e klubit nuk kanë mundur dot të gjejnë dakordësinë sa u përket kushteve të kontratës", tha Belshi. Mësohet se presidenti Gjoka është vënë menjëherë në lëvizje për teknikun e ardhshëm, por ende nuk ka emra zyrtarë. Florenc Manari