"Euro 2017", e para luhet në transfertë
Kuqezinjtë e drejtuar nga trajneri Antonis Konstantinides janë në grupin F së bashku me Gjeorgjinë, Malin e Zi dhe Sllovakinë. Eliminatoret e kampionatit europian 2017 do të nisin me ndeshje në transfertë ndaj Gjeorgjisë më 31 gusht në orën 19:00. Sakaq, ndeshja e radhës përballë tifozërisë shqiptare do të luhet më 3 shtator me Malin e Zi. Këto kualifikuese mbyllen për përfaqësuesen tonë më 17 shtator po në Shqipëri kundër Sllovakisë. Në këto kualifikuese do të debutojë Kosova, e cila është në Grupin E së bashku me Slloveninë, Ukrainën dhe Bullgarinë.