De Biazi refuzoi ofertën “speciale”
"Kam kontaktuar, por ky nuk është klubi që më intereson"
Me arritjen e kual ifikimit të Sh qipërisë në Europian, trajneri mori një sërë ofertash për të ndryshuar destinacion. Jo vetëm kaq, por De Biazi u vetëkandidua edhe në disa ekipe si Italia, Anglia apo edhe Rumania. Së fundmi, trajneri i kuqezinjve ka refuzuar një ofertë "speciale". "Blick" ka bërë me dije se Sion ka pasur në plane trajnerin e Shqipërisë për të marrë drejtimin e klubit në kampionatin helvet.
Oferta "speciale"
Pak ditë më parë, presidenti i Sionit u bë personazh. Jo vetëm në mediat helvete, por në shumë nga ato sportive në Europë. Ai mori drejtimin e skuadrës së tij dhe i pyetur nga mediat, dha një përgjigje që e bëri atë të komentohej shumë. "Do ta drejtoj unë ekipin. Licencë? Nëse duhet një e tillë, do të shkoj ta marr në Shqipëri", ishte deklarata e pak ditëve më parë e presidentit që fitoi vëmendjen e mediave të ndryshme. Megjithatë, fakti që e ka bërë atë interesant dhe "personazh", nuk ka mjaftuar që trajneri De Biazi të bindej nga interesimi i tij. Përgjigjja
Në shkrimin e zviceranes "Blick", italiani ka qenë në krye të listës së dëshirave për të marrë drejtimin e Sionit. "Është e vërtetë që kemi kontaktuar. Megjithatë, Sion nuk është skuadra për të cilën interesohem të drejtoj. Qëndroj në krye të Shqipërisë", ka qenë përgjigjja e De Biazit për prestigjiozen helvete. Nuk është skuadra e parë që shpreh interes për shërbimet e trajnerit të Kombëtares, i cili përfitoi shumë nga puna e tij me Shqipërinë. Ai arriti të drejtojë kuqezinjtë drejt një mrekullie që më parë nuk përflitej si mundësi. Trajneri italian do të ketë një sfidë të veçantë këtë edicion kualifikues, pasi do të jetë në një grup me Italinë, Kombëtaren e tij të vendlindjes si dhe skuadrën që u përfol shumë se mund ta kishte De Biazin si trajnerin post-Konte.