Të grumbulluarit, De Biazi… gjithmonë i fundit

Këtë herë është Maroku. Skuadra me të cilën Shqipëria do të zhvillojë miqësore e ka shpallur listën e lojtarëve që do të ketë në dispozicion, ndërsa trajneri i kuqezinjve pritet ta bëjë diçka të tillë vetëm dy ditë përpara zhvillimit të këtij takimi. Një avaz i vjetër që duket se do të vijojë edhe këtë edicion me trajnerin e kuqezinjve. Shqipëria do të nisë këtë edicion kualifikuesesh më 5 shtator në ndeshjen kundër Maqedonisë. Më 31 gusht është programuar një miqësore kundër Marokut, ndërsa kuqezinjtë do të grumbullohen vetëm dy ditë përpara, më 29 gusht. Kjo, sipas programit të publikuar nga vetë FSHF-ja.