Rinkon, Bentaleb dhe Valdifiori, Milani do një

Tomas Rinkon ( 28- vjeçari nga Venezuela luan për Xhenoan), Nabil Bentaleb (21-vjeçari nga Franca luan për Totenhemin) dhe Mirko Valdifiori (30-vjeçari nga Italia luan për Napolin) kanë përfunduar në listën e dëshirave të "Djallit", i cili është në kërkim të një tjetër mesfushori pas dëmtimit të Bertolaçit. Edhe pse kandidatura e Stambulisë mbetet ajo më e forta, mediat italiane kanë bërë me dije se drejtuesit e Milanit nuk po reshtin së kërkuari për t'i dhënë Viçenco Montelës edhe një mesfushor tjetër. Trajneri italian këtë vit ka një detyrë të vështirë, pasi brenda pak kohe i kërkohet që të paraqitet në fushë me një ekip që t'i ketë idetë e qarta.